Mə̀Hibrù 3:5 - Ikan feg

⁵ Muse ya yaʼ wə̀d àfàʼì Ŋwiye ne ya fàʼi inug ijìm inga nəb Ŋwiye ane ìzi fìŋ ijìm. Ŋwiye ya fə ghì Muse ghàm imbə̀ʼ inug mbe ne Ŋwiye ya nɔŋi ni ghum ghà.

Meta’

⁵ Mose nyaʼa fàʼ ɨŋga nəb Ŋwìə̀ ənɨ i fîŋ jìm. Wɨ̀ nyaʼa ghɨ̀ əne àmei ɨghabɨ wə̀d ə̀fàʼì. Ɨ wɨə nyaʼə ghà ɨmbə̀ʼ ɨnû mbe nɨ Ŋwìə̀ bɨrɨ nɨ ghà.

Mə̀Hibrù 3:5 Кръстосани препратки

Matìyò 24:45

Yeso ya chè imbìghè ghà abə mə̀mə̀nənùg məd gha, “Wə̀d àfàʼì ne fàʼà ane ìzi fìŋ ijìm, ne bə̀ bèrì iwe, ne mbaʼ àfàʼì məd fə nɔŋi aməd gha wì ya nḛ̀ bəd àfàʼì məd bə̀ nàʼà ighijəg inɔb igun nyumə̀, àkə awe?

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Lk 12:42

Anɔŋisəg ya ywìtì ibo gha, “Wə̀d àfàʼì ne fàʼà ane ìzi fìŋ ijìm bə̀ bèrì iwe, à ya məd ne mbaʼ àfàʼì biri nɔ̀ŋì aməd ane atog wə̀d igun bəd àfàʼì mbin ni gha wì se nàʼà tijəg inɔb igun nyumə̀.

Lk 24:27

Wì ya si ko ane mə̀nɔ̀ʼɔ̀ Muse ghò ane ìŋwàʼrì bədkə̀n Ŋwiye tòʼrì inug ijìm ni Ìngam Ŋwiye ya ghàmi imbə̀ʼ aməd.

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Jn 5:39

Mbə̰ ya jiʼè zìyè atog ni mə̀nì Ìngam Ŋwiye inga Àŋwàʼrì məd nè kɔ̀ndɔ gha mbə biri jəg ìtḛ̀ ighə̀m imɔʼ. Mbə̀ kyèri gha, Ìngam Ŋwiye we ne mbə̀ zi atog ni mə̀nì, wi ya ghàmà imbə̀ʼ amə.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 7:37

À ya Muse gho̰ ne ya ghà abə mə̀Izre gha, ‹Ŋwiye biri chɔʼ wə̀dkə̀n inga ìmbən bəd icheg ne wì ya chɔʼi amə.›

Rm 3:21

Amad anìŋ, Ŋwiye fə chwi icheg ne tì bəd təm kòʼ ibo imbìghè. Chəyi anug ni təm kòʼ ibo imbìghè beri aghi mɔ̀ʼɔ ni ghì tì mə̀nɔ̀ʼɔ̀. Mə̀nɔ̀ʼɔ̀ Muse tì bədkə̀n Ŋwiye ya fə taŋ ghà ane.

1 Kɔrèn 4:2

Anug ne mbe kə̀bə̀ abə bəd mbe ne mbi zi àfàʼì inɔb ikye abo ya gha mbe ya fàʼà icheg chɔm ane ìzɔb fìŋ ijìm.

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.

Mə̀Hibrù 1:1

À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

Mə̀Hibrù 3:2

Məd ya zugri Ŋwiye ane ìzi fìŋ ijìm, fàʼ inug ijìm mbe ne Ŋwiye ya gha ibo gha wì faʼa kwàʼ icheg ne Muse ya bə̀ fàʼ inug ijìm mbe ne Ŋwiye ya bə ghà ibo gha wì faʼa inga nəb Ŋwiye ane ìzi fìŋ ijìm.

Mə̀Hibrù 3:4

Nəb ijìm ya wə̀d we kɔ̀rɔ. Si ya gha, à ya Ŋwiye we nàʼà ika abə bəd ni fàʼ inug ijìm.

Mə̀Hibrù 8:5

Inug mbe ne mbɔb mbe fàʼà icheg bəd mbàn Ŋwiye ya icheg afugri fɔrɔ icheg àzìŋə ane inug mbe ne yaʼi ikaŋ àbɔ̀ŋɔ. Aŋa ya aton ze ne Ŋwiye ya pati Muse anyumə̀ ne Muse yaya se nḛ ni kɔd Azuŋ Ŋwiye. Ŋwiye ya ghà ibo gha, “Àghò niŋ nyumə̀ ni tangi ighi ijìm kwàʼ icheg ne mə̀ ya chwi ine ikaŋ iwum.”

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

Ɨnû 15:3

Mbɔb yaya zə̀ʼə̀ ikyeg we ne Muse, wə̀d àfàʼì Ŋwiye ya zə̀ʼi. À ya ikyeg ne Ŋwan njə̀g ya bə zə̀ʼ. Ikyeg we ya gha, “Àghò we fàʼà iyeti inug kyen kyen. Àghò ya Anɔŋisəg, Ŋwiyekɔʼ. Ìmbe mənɔnjì təm kòʼ bə̀ yaʼ mənɔnjì tesiʼ. Àghò ya ifɔn igun bəd məjìm inga iben ijìm.