Mə̀Hibrù 2:9 - Ikan feg

⁹ Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

Meta’

⁹ Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

Mə̀Hibrù 2:9 Кръстосани препратки

Matìyò 16:28

Mə gha tesiʼ inən gha, bəd mɔ̀ʼɔ mbe abɔ̀ʼ ina aŋa ne chəyi mbi biri ku witì mbi bàd Ŋwan Wə̀d ne we yèʼe icheg ifɔn.”

Matìyò 6:28

Mbə̀ kə nwìʼè nyɔd imbə̀ʼ ndwi ane aghə? Mbə̀ nḛ icheg ne igyen mbe kwèghe zìyè tewàrà. Chəyi igyen mbe fàʼà. Chəyi igyen mbe bə̀ bàʼa ndwi.

Mk 9:1

Yeso ya ywìrì ghà abə ìmbi mə̀mə̀nənùg tì inɔ̰ bəd we gha, “Mə gha tesiʼ inən gha, chəyi bəd mɔ̀ʼɔ abɔ̀ʼ mbo̰ ne təmi aŋa biri ku ne chəyi mbi bari icheg ne Ŋwiye biri tùmbì bəd ane ìwi ika.”

Lk 9:27

Mə gha kwàʼ tesiʼ inən gha, bəd mɔ̀ʼɔ mbe aŋa ne chəyi mbi biri ku witì mbi bàd anug ìfɔ̀n Ŋwiye.”

Jn 1:29

Igun aneg abɔ̀ʼ, Jɔn ya bàra Yeso ne we yèʼe ibo imbìghè. Wì ghà abə bəd gha, “Mbə̀ nḛ! Aŋa ya Ŋwan njə̀g Ŋwiye. Məd ya wə̀d we ne wàʼa inug tibɔ̀ŋ bəd.

Jn 10:17

Aton ne ìmə mbaʼ we kɔ̀ŋɔ̀ amə ya gha, mə fə sɔ̀ŋ ìmə ìtḛ̀ ni ku imbə̀ʼ icheg ne mə̀ kyèri gha, Ŋwiye biri ywiri nàʼ ìtḛ̀ inum.

Jn 12:32

Si ya gha, mbi fə mə nɔ̀ amə ikaŋ, mə biri ghì bəd məjìm yeʼe inum.”

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 8:51

Mə gha tesiʼ inən gha, wə̀d mə ya zùgrə ìmə ìngam, chəyi tengàŋ biri nɔʼ ku.”

Jn 8:52

Wì ya gha ane, mə̀Ju si ghà ibo gha, “Tè kə kyeri amad anìŋ gha azwighi tibɔ̀ŋ ze inga ine. Abràham ya ku, bədkə̀n Ŋwiye bə̀ ku, àghò gho̰ se gha, wə̀d ne zùgrə ìwe ìngam chəyi wì biri nɔʼ ku.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Rm 5:18

Ane, icheg ne anug tibɔ̀ŋ wə̀d imɔʼ fə ghì wə̀d ijìm gug isaʼi imbìghè abə Ŋwiye, à ya bə̀ ane ne anug chɔm wə̀d imɔʼ fə bə ghì wə̀d ijìm təm zen imbìghè abə Ŋwiye bə̀ jəg ìtḛ̀.

Rm 5:8

Àsi Ŋwiye, wì chwi gha zìye kɔ̀ŋ awa icheg ne Yeso Kristo ya ku ina atog ne tì yaya kiri ghiyə inug tibɔ̀ŋ.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

2 Kɔrèn 5:15

Wì ya ku igun atog abə bəd məjìm. Wì ya ku ni gha imbə̀ʼ bəd mbe ne yaʼi izɔm ywiri chùghi awɔb ane ìwɔb ighəm. Mbe si chùghi yaʼ imbə̀ʼ aməd we ne ya ku Ŋwiye zwèmni.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

1 Timotì 2:6

À ya məd ne ya nàʼi àzi atog ni pumni bəd məjìm. Aŋa ya ikən we ne nyùmə̀ kòʼi, Ŋwiye gha abə bəd məjìm.

Mə̀Hibrù 1:9

Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

Mə̀Hibrù 10:5

À ya aton ne, anyumə̀ we ne Kristo ya yeʼe igun isəg wì ya ghà abə Ŋwiye gha, “Chəyi àghò kə̀bi ighi àfàtì fɔrɔ ituti. Àghò ya kə̀bə̀ yaʼ gha mə naʼa ìmə nyàmnyɔd ze ne àghò nàʼi inum.

Mə̀Hibrù 11:5

À ya anjìm ibḛfiŋ ne Ŋwiye ya niŋi Enɔ̀g izɔm ghò ikaŋ àbɔ̀ŋɔ. Chəyi wə̀d mɔ̀ʼɔ ya ywirì bàd aməd imbə̀ʼ icheg ne məd ya fə ghò ikaŋ àbɔ̀ŋɔ. Bɔŋ wì ya se ghò ikaŋ àbɔ̀ŋɔ bəd ya kyeri aməd icheg wə̀d ne ghìyə̀ inug ne Ŋwiye kɔ̀ŋi.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 2:7

Àghò ghì wə̀d-aku beri ati ne to kə chè àzi mbè angirə̀ ane iki nyumə̀, si ghì wì beri ighumni fɔrɔ ika

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Mə̀Hibrù 8:3

Mbi ya chɔ̀ʼɔ atog wə̀d igun bəd mbàn Ŋwiye ni gha wì ya nàʼà ighi ni tùtì Ŋwiye fɔrɔ ighi àfàtì abə Ŋwiye. Ane, ze bə̀ kòʼ gha àza tè atog wə̀d igun bəd mbàn Ŋwiye bə̀ bèrì aghi mɔ̀ʼɔ ni nàʼ.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Jɔn 2:2

Məd ya aghi àfàtì ze ne Ŋwiye che anjìm məd waʼ ìmba inug tibɔ̀ŋ. Chəyi Ŋwiye waʼi məyi ìmba inug tibɔ̀ŋ. Wì bə̀ waʼ inug tibɔ̀ŋ abə wə̀d ijìm igun isəg.

Ɨnû 19:12

Aghə məd ya icheg inemi iywid. Wì ya zì ighi atog ifɔn nɔʼ nɔʼ igun àzi atog. Wì ya bèrì ikum mɔ̀ʼɔ ne mbi ŋwaʼri igun məd, ne chəyi wə̀d mɔ̀ʼɔ kyeri ikum we chèyi ane məd.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.