Mə̀Hibrù 2:3 - Ikan feg

³ Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Meta’

³ Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 2:3 Кръстосани препратки

Matìyò 23:33

Mbə̰ ya kwàʼ jo! Mbə̰ ya kwàʼ ifighi! Mbə̀ kə dù inga ngəʼ ze ne yaʼi inga asiŋi ichə iye?

Matìyò 4:17

Ni ko anyumə̀ we se ghò imbìghè, Yeso ya se ghàmà Ìngam Ŋwiye. Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Mk 1:14

Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye.

Lk 1:2

Mbɔb ŋwàʼrì kwàʼ icheg ne tì ya zughi abə bəd mbe ne ya bàri inug mbe ijìm nɔ̀ʼ ane nyùmə̀ ne Yeso ya ko àze àfàʼì. À ya bəd ne ya bə̀ fàʼ ni chètì ikən chɔm we.

Lk 1:69

Məd fə nàʼ wə̀d ne beri ika ne pùmnə awa, Tengàŋ ya ŋwan ane aghaŋ inəbi ifɔn Dèvid, ne ya wə̀d àfàʼì Ŋwiye.

Lk 24:19

Yeso ya bìri inɔb gha, “Inug kə mbeg?” Mbɔb ya ywìtì gha, “Inug imbə̀ʼ Yeso we Nazarèd. Məd yaya kwàʼ Wə̀dkə̀n Ŋwiye. Wì yaya fàʼà àfàʼì Ŋwiye ane ika bə̀ ghàmà tesiʼ imbìghè abə Ŋwiye fɔrɔ abə bəd məjìm.

Jn 15:27

Mbə̰ inən biri bə̀ tòʼrì inug imbə̀ʼ amə abə bəd imbə̀ʼ icheg ne, mbə̰ ya yaʼ abɔ̀ʼ inum, nɔ̀ʼ ane nyumə̀ ne, mə̀ ya ko àmə àfàʼì.”

Ɨ̀fàʼì 1:22

ni ko ane nyùmə̀ we abə Jɔn we ne yaya nàʼà mənib ghò pè ane aneg ze ne Ŋwiye ya niŋi Yeso ikaŋ àbɔ̀ŋɔ. Ze bɔ̀ŋ gha wə̀d mɔ̀ʼɔ abɔ̀ʼ bəd mbo̰ fɔti abɔ̀ʼ ina si yaʼ wə̀d ne ghà inug imbə̀ʼ icheg ne Yeso zweme ane iwu.”

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Rm 11:14

Mə ya kə̀bə̀ inɔnjì ni ghì gha mə̀Ju beri ìdɔ̀b ane aghi ne Ŋwiye we fàʼà abə bəd ne kayi mə̀Ju ni ghì gha mə̀Ju mɔ̀ʼɔ pum.

Rm 2:3

Ane, wə̀d-aku icheg ine, àghò wa kɔ̀ndi gha, icheg ne àghò we sɔ̀bɔ isaʼi igun bəd mbe ne ghìyə̀ tiku inug ìto̰, bə̀ ywìrè ghìyə̀ inug angu, chəyi Ŋwiye biri ghum sɔb isaʼi igun ine?

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Tèsàlonikà 5:3

Anyumə̀ ne bəd biri ya ghà gha, “Tì we awa ane àbɔrɔ̀bɔd. Chəyi aton ni bɔ aghi mɔ̀ʼɔ,” ngəʼ kyen biri sàʼa nyi igun inɔb kwàʼ icheg ne tibuʼ te sàʼa se àyi ne nɔ̀mbɔ ni gwi. Chəyi bəd biri nɔʼ bu inga ngəʼ kyen ze.

1 Timotì 1:15

Ajiʼi anug ne wə̀d ijìm kòʼi ni niŋ ya gha; Yeso Kristo ya yeʼe igun isəg ni pumni bəd inug tibɔ̀ŋ. Inga bəd inug tibɔ̀ŋ məjìm, mo ya wə̀d ne bə chè.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

Mə̀Hibrù 1:1

À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

Mə̀Hibrù 1:14

Ane, mbè angirə̀ kə ighə? Mbè angirə̀ ya izwighi ne Ŋwiye cha gha mbe yeʼe fàʼ ni ya wètè bəd mbe ne Ŋwiye biri pumni awɔb.

Mə̀Hibrù 1:2

Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 4:1

Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.

Mə̀Hibrù 4:11

Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Mə̀Hibrù 9:28

À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

Jûd 1:17

Ane, ìmbum mə̀sə̀ʼ ne mə̀ taŋ kɔ̀ŋ, mbə̀ wendi anug ne bədtɔm ìmbi ìwa Anɔŋisəg Yeso Kristo ya gha.

Ɨnû 7:10

Mbi yaya kyḛ ane gì ka ka gha, “Àghò, ìwa Ŋwiye we ne chughi igun atən ifɔn tì ìwe Ŋwan njə̀g fə chì awa inga ngəʼ!”