Mə̀Hibrù 2:2 - Ikan feg

² Ikən we ne mbè angirə̀ ya ghum ghà abə ìmba mə̀mbaʼ kyen mbe te aneg ya chwi gha à ya kwàʼ ikən tesiʼ. Ane, wə̀d ijìm ne chəyi wì ya fàʼi inug icheg ne wi ya gha, tengaŋ ya nyi inga ngəʼ ne koʼi tì tìzughə̀ məd.

Meta’

² Ɨkə̂n we nɨ mbɨ̀aŋgɨrə̀ nyaʼa gha əmbɨ mba mɨ̀mbǎʼ rəŋwe yɨə nyaʼa ɨkə̂n rəsìʼ. Əne bə̂d mɨ̀jìm mbe nɨ chəi mbɨ nyaʼa ghɨ̀ ɨnû mbe nɨ mbɨ nyaʼa gha ɨŋga ɨkə̂n we, kɨ̀ mbe nɨ chəi mbɨ nyaʼa ghɨ ɨnû mbe, nyaʼa berɨ ɨchə nɨ kuʼnɨ.

Mə̀Hibrù 2:2 Кръстосани препратки

Ɨ̀fàʼì 7:53

À ya mbə̰ ne ya niŋi mə̀nɔ̀ʼɔ̀ mbe ne mbè angirə̀ ya nàʼi. Si ya gha, chəyi mbə̰ mbe bə̀ nɔ̀ŋɔ̀ mə̀nɔ̀ʼɔ̀ mbe.”

Gàlesìyà 3:19

Icheg ne ze yaʼi ane, àfàʼì mə̀nɔ̀ʼɔ̀ kə ywìrè aghə? Ŋwiye ya yètì mə̀nɔ̀ʼɔ̀ imbə̀ʼ inug tibɔ̀ŋ ne bəd yaya ghìyə̀. Mə̀nɔ̀ʼɔ̀ biri yaʼ ane anene ghò pè ane aneg ne ŋwan we inga aghaŋ inəbi ze Abràham ne Ŋwiye ya kàʼi ibo biri yeʼe. Ŋwiye ya chà mbè angirə̀ gha mbe yeʼe zì mə̀nɔ̀ʼɔ̀ ikye abo abə wə̀d we ne tə̀mə inga ìsàn abə bəd tì Ŋwiye, se dèghè inug bəd abə Ŋwiye.

Mə̀Hibrù 1:1

À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

Mə̀Hibrù 10:28

Chəyi mbi yaya dìgrè igun bəd mbe ne yaya gùghə̀ mə̀nɔ̀ʼɔ̀ Muse. Anyumə̀ ne bəd məbe kə̀ mətad bḛ gha mbɔb bàd ati ne wə̀d gùghi anug, mbi ya zwète tengàŋ.

Mə̀Hibrù 10:35

Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən.

Mə̀Hibrù 11:26

Wì ya bàd gha anug ne zə̰ ngəʼ imbə̀ʼ Wə̀d we ne Ŋwiye zɔ̀ʼi ze bɔ̀ŋ chè ighi àka inun mbe ne yaʼi a Ijìb imbə̀ʼ icheg ne wì yaya nḛ̀ imbìghè igun chùd ze ne wì biri bèrì.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

2 Pità 1:19

Ane, tì fə kyeri gha ìngam gho̰ ne bədkə̀n Ŋwiye ya ghàmi imbə̀ʼ aməd ya tesiʼ. Mbə̀ taŋ zì atog ane ìngam gho̰ imbə̀ʼ icheg ne wi ya anam ne zùʼə inga isəg afub. Mbə̀ ya ghìyə̀ inug mbe ne ìngam gho̰ we ghà inən ghò pè isusu we ne Kristo biri zuʼ inən inga fìŋ icheg fitəm-məg fe ne zùʼə a achəg ituʼ.

Jûd 1:5

Ka mbə̰ ya fə kyeri awən inug mbo̰ ijìm, mə̀ ya anìŋ ywìrè wènde inən. Mbə̀ wendi gha, Anɔŋisəg ya pumni mə̀Izre ikye abo abə mə̀Ijìb, bə̀ ywìrì kiri nimni mə̀Izre mbe ne chəyi mbi ya zi ibḛfiŋ igun məd.