Mə̀Hibrù 13:3 - Ikan feg

³ Mbə̀ ya kɔ̀ndɔ bəd mbe ne yaʼi inga nəb ndəŋ kwàʼ icheg ni gha mbə̰ ya bə̀ inga nəb ndəŋ tì inɔb. Mbə̀ ya bə̀ kɔ̀ndɔ bəd mbe ne mbe chə awɔb kwàʼ icheg ni gha mbə̰ ya bə̀ inga ngəʼ tì inɔb.

Meta’

³ Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.

Mə̀Hibrù 13:3 Кръстосани препратки

Matìyò 25:36

Mə yaya yḛ̀ tì ìkyèrikye, mbə zì ndwi inum ibə̀m. Mə yaya ghɔ̰̀, mbə yeʼe kyèʼì mə. Mə ya yaʼ inga nəb ndəŋ, mbə yeʼe nèn mə.›

Matìyò 25:43

Mə ya yaʼi wə̀d tìsɔ̀ʼ, chəyi mbə̀ ya niŋi amə inga ìtən nəb. Mə yaya yḛ̀ tì ìkyèrikye, chəyi mbə̀ ya zi ndwi inum ibəm. Mə yaya ghɔ̰̀, chəyi mbə̀ ya yeʼe kyèʼì mə. Mə ya yaʼ inga nəb ndəŋ, chəyi mbə̀ ya yeʼe nèn mə.›

Ɨ̀fàʼì 24:23

Wì ya ghà ane, si ghà abə atog wə̀d igun mə̀sogyì iki ifibì gha wì niŋ Pɔl ghò ghùbì. Wì ya ghà ane, si ya gha, wi ya nàʼ apan abə Pɔl ni ya fàʼà inug ne wì kə̀bi. Wì ya bə̀ sàŋì gha mə̀sə̀ʼ ìmbi Pɔl ya yèʼe nàʼà ighi mbe ne wì kòʼi ni bèrì ibo.

Ɨ̀fàʼì 27:3

Àsi isu abɔ̀ʼ, tì ya pè a Sidòn. Julìyòs ya ghì ìchɔ̀mì abə Pɔl, sàŋì aməd gha wì gho abɔ̀ʼ ìmbi mə̀sə̀ʼ imbə̀ʼ mbi naʼa ighi mbe ne chəyi wì ya bèri.

Rm 12:15

Mbə̀ ya gyènde tì bəd ne gyènde bə̀ sɔ̀mnɔ̀ tì bəd ne sɔ̀mnɔ̀.

1 Kɔrèn 12:26

Asiŋi nyɔd amɔʼ mə̀ ya zə̰ ngəʼ, mbin tì isiŋi nyɔd ijìm mbe bə̀ zə̰ ngəʼ abɔ̀ʼ. Mbi mə̀ nàʼ ighumni abə asiŋi nyɔd amɔʼ, mbin tì isiŋi nyɔd ijìm mbe bə̀ gyènde abɔ̀ʼ.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Kòlosè 4:18

À ya mo Pɔl ŋwàʼri ichaʼri gho̰ kwàʼ ane àmə abo. Mbə̀ wendi gha mo we inga nəb ndəŋ. Ŋwiye ghiyə ìchɔ̀mì inən.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Mə̀Hibrù 11:37

Mbi ya tumbi mbi mɔ̀ʼɔ ane ateg, bə̀ san mbin iba ibe ane ìsɔ. Mbi ya zweti mbi mɔ̀ʼɔ ane məbeg ibid. Mbi ya chɔʼ ibɔʼì ighog abə mbi mɔ̀ʼɔ, bə̀ chə mə̀mbin. Chəyi mbi mɔ̀ʼɔ ya ywirì bèrì ighi. Mbi yaya se zìyè gɔb njə̀g kə̀ gɔb gwi ane ndwi.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.