Mə̀Hibrù 12:3 - Ikan feg

³ Mbə̀ kɔndi icheg ne məd ya nyìʼi ngəʼ ikye ibo abə bəd inug tibɔ̀ŋ. Mbə̰ mə̀ kɔ̀ndi ane, nji chəyi ìwən ibḛfiŋ biri bɔd ghì mbə chì fìŋ ane Ŋwiye.

Meta’

³ Mbə̀ kɔndɨ ɨchî nɨ wɨ̀ nyaʼa nyiʼi mbɨ ə bə̂d ɨnû rɨbɔ̀ŋ mbe nɨ nyaʼə bàn əməd. Mbə̀ bə nyiʼ, ɨmbə̀ʼ tɨ mbə̀ bɔd əwən əne sùŋgɨ̀ rə̀bɔ̀ʼɔ̀.

Mə̀Hibrù 12:3 Кръстосани препратки

Matìyò 11:19

Ŋwan Wə̀d yeʼe, wì ya jə̀ghə bə̀ no mənoʼ, bəd se gha, ‹Mbə̀ nḛ, wə̀d gho̰ ya àfaŋi ìfə bə̀ yaʼ atəd mənoʼ. Məd we jə̀ghə àsə̀ʼ tì bədtag fɔrɔ bəd ne ghìyə̀ inug tibɔ̀ŋ.› Tesiʼ ya gha, mbi biri kyeri iwe ne Ŋwiye nàʼi ane icheg ne bəd mbe ghìyə̀ inug ne koʼi.”

Matìyò 12:24

Anyumə̀ ne mə̀Farìsi ya zughi anug azo̰, mbi ya gha, “À ya Bezebɔ̀b, ifɔn izwighi tibɔ̀ŋ we nàʼà ika ni kamni izwighi tibɔ̀ŋ chì inga bəd abə wə̀d gho̰.”

Matìyò 15:2

“Aton ne chəyi ìmbe mə̀mə̀nənùg ya nɔ̀ŋɔ̀ mə̀nɔ̀ʼɔ̀ aben ne ìmba itog bəd inga aben ya nɔŋi àkə imbə̀ʼ aghə? Chəyi mbɔb mbe sò ibo bɔŋ se jə̀ghə icheg ne ìmba mə̀nɔ̀ʼɔ̀ chwi.”

Matìyò 21:23

Anyumə̀ ne Yeso ya nyi inga mbàn Ŋwiye pè se chwìte inug, itog bəd mbàn Ŋwiye tì itog bəd mbe inga aben ya ghò ibo. Mbɔb ya pè bìri ibo gha, “Àkə we nàʼi ika ine gha àghò se ghìyə̀ inug mbo̰? Àkə we nàʼi ika gho̰ ine?”

Matìyò 21:46

Ane, mbɔb yaya se kə̀bə̀ ni gwì Yeso. À ya məyi gha mbɔb yaya bɔ inɔ̰ bəd we imbə̀ʼ icheg ne bəd ya bḛ gha Yeso ya wə̀dkə̀n Ŋwiye.

Matìyò 22:15

Anyumə̀ ne Yeso ya ghàmi ane, mə̀Farìsi ya dù isəg nɔ̀ŋì ichuʼri ni chè anjìm ìngam ìwi Yeso gwì aməd zì isaʼi igun məd.

Lk 14:1

Yeso ya ghò inga nəb wə̀d mɔ̀ʼɔ ne ya yaʼi atog wə̀d abə mə̀Farìsi igun aneg àzwètì mə̀Ju. Wì ya ghò ni jəg. Bəd yaya nḛ̀ àfàʼì ne Yeso biri fàʼ imbə̀ʼ icheg ne

Lk 15:2

Ane, mə̀Farìsi tì mə̀chwitì mə̀nɔ̀ʼɔ̀ yaya zḭ̀ʼḛ̀ aməd gha, “Wə̀d gho̰ ya nìŋə bəd ne ghìyə̀ inug tibɔ̀ŋ, jə̀ghə tì inɔb.”

Lk 16:14

Mə̀farìsi ya kɔ̀ŋ ikab ako. Mbɔb ya zug inug mbo̰ se zḭ̀ʼḛ̀ Yeso.

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Lk 5:21

Mə̀chwitì mə̀nɔ̀ʼɔ̀ fɔrɔ mə̀Farìsi ya zug ìngam gho̰ se bìre mbɔb mbɔb gha, “Gho̰ tì wə̀d ne chàpà Ŋwiye àkə we?” Àkə we ne tì wì waʼ inug tibɔ̀ŋ bəd chèyi ane Ŋwiye?

Jn 10:20

Bəd nɔʼ nɔʼ ya ko se gha, “Azwighi tibɔ̀ŋ ze inga məd. Wì ya anìŋ, wì fə be. Àkə aghə ne mbə̰ mbe zùghə ibo?”

Jn 18:22

Anyumə̀ ne Yeso ya ghàmi anìŋ, wə̀d mɔ̀ʼɔ ne yaya chə̀ʼə̀ mbàn Ŋwiye ya yaʼ iban itəmi. Wì ya kɔ̀m Yeso igun ife. Wì ya kɔ̀m aməd ane, si bìri ibo gha, “Aŋa kə ikuchèg ne àghò biri ywìtì anug abə atog wə̀d igun bəd mbàn Ŋwiye?”

Jn 5:16

Itog bəd abə mə̀Ju ya ko se chɔ̀ʼɔ ibɔʼì ighog ìmbi Yeso imbə̀ʼ icheg ne wì ya ghù wə̀d igun aneg àzwètì mə̀Ju.

Jn 7:12

Bəd yaya jìte inug imbə̀ʼ Yeso inga inɔ̰ bəd we ne ya yaʼi ane iteri. Bəd mɔ̀ʼɔ yaya gha, “À ya wə̀d chɔ̀m.” Mə̀mbin yaya to̰ awɔb gha, “Indèʼ! À ya wə̀d ne kə̀bə̀ ni tàmbi bəd.”

Jn 8:13

Mə̀Farìsi ya ghà ibo gha, “Àghò we ghà inug imbə̀ʼ ìwe nyɔd ne kayi bì mbe tesiʼ.”

Jn 8:52

Wì ya gha ane, mə̀Ju si ghà ibo gha, “Tè kə kyeri amad anìŋ gha azwighi tibɔ̀ŋ ze inga ine. Abràham ya ku, bədkə̀n Ŋwiye bə̀ ku, àghò gho̰ se gha, wə̀d ne zùgrə ìwe ìngam chəyi wì biri nɔʼ ku.

Jn 8:59

Anyumə̀ ne wi ya gha ane, mbi ya gwe ateg ni tumbi məd. Si ya gha, Yeso ya nə̀mbì nyaʼ dù yi inga mbàn Ŋwiye.

Jn 9:40

Mə̀Farìsi mɔ̀ʼɔ ne ya yaʼi angu, ya zug icheg ne wì ya gha inug mbo̰, si biri ibo gha, “Àghò wa kə gha, mba ya bə̀ məfəg?”

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

2 Kɔrèn 4:1

Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.

2 Kɔrèn 4:16

À ya aton ze ne chəyi ìta fìŋ te bɔ̀rɔ, ka ìta nyàmnyɔd te kùyə ghò. Ŋwiye we nàʼà ìtḛ̀ feg ina ineg ijìm.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

2 Tès 3:13

Àsi awən, ìmba məfi fɔrɔ ìta njàbi, imbə̀ʼ mbə̰ si bɔd awən ni ya fàʼà inug ne koʼi.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 12:5

Mbə̰ wa fə nèbì ìngam we ne Ŋwiye ya nəri awən, kàrà awən ane ìmbi bɔn? Ŋwiye ya gha, “Ìmə Ŋwan, imbə̀ʼ àghò niŋ awe anug ze ne Ŋwiye ya chə bəd mbe ne gughi anug ane afed. Imbə̀ʼ àghò saŋa awe gha ìwe ibḛfiŋ bɔd anyumə̀ ne Ŋwiye chə awe ni də̀n awe.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

1 Pità 2:23

Anyumə̀ ne mbi ya zɔ̀mbi məd, chəyi wì ya ywìti. Anyumə̀ ne wì ya zə̰ ngəʼ, chəyi wì ya sìbi wə̀d. Wì ya nɔ̀ŋì fìŋ yaʼ igun Ŋwiye we ne sàʼa bəd ane icheg ne koʼi.

Ɨnû 2:3

Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.