Mə̀Hibrù 11:4 - Ikan feg

⁴ À ya anjìm ibḛfiŋ ne Abè ya nàʼi aghi àfàtì ne bɔŋi chè àze ne Ken ya nàʼi. À ya anjìm ibḛfiŋ ìwi Abè ne Ŋwiye ya gha məd ya wə̀d ne təmi kòʼ anyumə̀ we ne Ŋwiye ya gha, aghi àfàtì məd kòʼ. Ka Abè ya jiʼì ku yi, anjìm ibḛfiŋ məd, məd we kiri ghàmà.

Meta’

⁴ À yɨ ɨbenɨ nyaʼa ghɨ ni Abèl nàʼ əghɨ ə̀fà əmbɨ ə Ŋwiə̀ nɨ nyaʼa bɔŋ chè əzɨ ə Kaìn. À yɨ ənjìm ɨbenɨ məd nɨ Ŋwìə̀ nyaʼa gha ni məd wɨə ghɨ̀ ɨnû nɨ kuʼnɨ. Ŋwìə̀ nyaʼa ghà əne ɨmbə̀ʼ ɨghəm nɨ wɨ̀ nyaʼa ben ɨghɨ mbe nɨ wɨ̀ nyaʼa naʼa. Abèl nyaʼa kwɨ, àyɨə ənjìm ɨbenɨ məd, ɨ wɨə kɨrɨ ghàmə̀.

Mə̀Hibrù 11:4 Кръстосани препратки

Matìyò 23:35

Ane, anəm bəd mbe ne təmi kòʼ ne mbi zweti igun isəg aŋa biri nyi igun inən, ni ko ane anəm àze Abè ghò pè ane anəm àze Zàkàriyà, ŋwan Bèrekìyà we ne mbə̀ ya zweti inga ìsàn asiŋi ighumni tì ikwijə̀ŋ àfàtì.

Lk 11:51

Ane, anəm ze biri ko kwàʼ ane àzi Abè ghò pè ane àze Zàkàriyà we ne mbi ya zweti kwàʼ inga ìsàn ikwijə̀ŋ àfàtì tì asiŋi zḛ zḛ. E! Mə ghà inən gha, anəm ze biri yaʼ igun atog abə ikəri bəd gho̰.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Mə̀Hibrù 11:2

Ibḛfiŋ gho̰ ya aghi ze ne bəd mbe te aneg ya beri, Ŋwiye si niŋ awɔb gha mbe kòʼ.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 12:24

Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

Mə̀Hibrù 5:1

Tè kyèri gha, mbi ya chɔ̀ʼɔ atog wə̀d igun bəd mbàn Ŋwiye inga bəd ni gha wì ya tə̀mə imbìghè abə Ŋwiye atog abə bəd. Wì ya tə̀mə ane ni ya nàʼà ighi ni tùtì Ŋwiye fɔrɔ ighi àfàtì imbə̀ʼ inug tibɔ̀ŋ bəd.

Mə̀Hibrù 9:22

Kwàʼ tesiʼ, mə̀nɔ̀ʼɔ̀ chwi gha mbi ya mənyìʼ tùtì anəm nyam ni sò inug tibɔ̀ŋ ijìm. À ya ane imbə̀ʼ icheg ne chəyi tì Ŋwiye waʼ inug tibɔ̀ŋ bəd ne chəyi mbi tuti anəm aseg.

2 Pità 2:8

Wə̀d inug chɔm gho̰ yaya chùghə abɔ̀ʼ inɔb ineg ijìm bàrà bə̀ zùghə ìmbɔb inug tibɔ̀ŋ. Ìmbɔb inug tibɔ̀ŋ yaya nàʼà ngəʼ ibo.

Jûd 1:11

Ngəʼ kyen biri nyi igun inɔb! À ya ane imbə̀ʼ icheg ne mbɔb mbe ghìyə̀ inug icheg Ken ne ya zweti ìwi ifi. Mbɔb ya bə̀ ghìyə̀ inug icheg Balàm ne yaya ghìyə̀ tiku inug ijìm ni bèrì ikab. Mbɔb ya ghìyə̀ tìzughə̀ abə Ŋwiye icheg Korà. Ane, mbɔb biri ku nim icheg Korà.