Mə̀Hibrù 10:1 - Ikan feg

¹ Mə̀nɔ̀ʼɔ̀ Muse ya məyi àzìŋə ane ighi chɔm mbe ne kiri yeʼe. Mbi yaya nàʼà ighi àfàtì tituʼ tijìm icheg ne mə̀nɔ̀ʼɔ̀ Muse gha. Si ya gha chəyi tì ighi àfàtì mbe ghì bəd mbe ne ghùmnə Ŋwiye mbi zen mànì.

Meta’

¹ Tɨkə rɨ Mose yɨ əziŋ rɨ ənɨ ɨghɨ chɔ̀m mbe nɨ bɨrɨ yeʼe. Ka rɨkə te yɨ i ɨghɨ chɔ̀m mbe. Ka tɨ bɨrɨ nɔ ghɨ i ni bə̂d mbe nɨ tindɨ ɨban ə Ŋwiə̀ bɔŋ màànɨ̀ àmei ɨmbə̀ʼ ɨchî nɨ mbɨə nàʼ tɨkwɨrɨ ɨghɨ ə̀fà ə mɔʼ ɨgwɨ əghəm əwu.

Mə̀Hibrù 10:1 Кръстосани препратки

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Kòlosè 2:17

Inug mbo̰ ijìm ne mbə̰ mbe kiri ghiyə ya àzìŋə ne chwìye inug ne biri yeʼe. Tì we tì tì bad tesiʼ we ne yaʼi inga ighi mbo̰ ijìm məyi anyumə̀ ne tì yaʼi ane ifɔti tì Kristo.

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

Mə̀Hibrù 7:11

Mə̀nɔ̀ʼɔ̀ Muse mbe gha wə̀d mbàn Ŋwiye mənyìʼ dù ane aghaŋ inəbi Levì. Àkə aghi ne tì àfàʼì bəd mbàn Ŋwiye ane aghaŋ inəbi Levì ghì bəd bɔ̀ŋ mànì, nji chəyi ya ywìrè aton abə wə̀d mbàn ndəŋ ne du ane iwaŋ Mèkisedèg ni yeʼe, ne kayi ane aghaŋ inəbi Eròn.

Mə̀Hibrù 8:5

Inug mbe ne mbɔb mbe fàʼà icheg bəd mbàn Ŋwiye ya icheg afugri fɔrɔ icheg àzìŋə ane inug mbe ne yaʼi ikaŋ àbɔ̀ŋɔ. Aŋa ya aton ze ne Ŋwiye ya pati Muse anyumə̀ ne Muse yaya se nḛ ni kɔd Azuŋ Ŋwiye. Ŋwiye ya ghà ibo gha, “Àghò niŋ nyumə̀ ni tangi ighi ijìm kwàʼ icheg ne mə̀ ya chwi ine ikaŋ iwum.”

Mə̀Hibrù 9:11

Kristo ya yèʼe icheg atog wə̀d igun bəd mbàn Ŋwiye igun ighi chɔm mbe ne fə yaʼi. Azuŋ ze ne məd ya nyi inga ya àze ne beri ati chè azin bə̀ təm kòʼ, ne kayi bəd ya tangi; ne kayi bə̀ abɔ̀ʼ ighi mbe ne Ŋwiye ya tangi igun isəg gho̰.

Mə̀Hibrù 9:23

Ze ya kòʼ gha mbe so ighi mbe ne fugri ighi ne yaʼ ikaŋ àbɔ̀ŋɔ ane ighi àfàtì mbo̰. Àsi ighi mbe ne yaʼi ikaŋ àbɔ̀ŋɔ, ze bɔ̀ŋ ni sò ane ighi àfàtì ne bɔŋi chè.

Mə̀Hibrù 9:25

Atog wə̀d igun bəd mbàn Ŋwiye yaya nyḭ̀yḛ inga asiŋi ne zḛ mànì ighə̀m imɔʼ igun fituʼ tì anəm nyam. Àsi Yeso, chəyi wì ya nyi ikaŋ àbɔ̀ŋɔ aghəm nɔʼ nɔʼ ni nàʼ ìwi nyɔd ane aghi àfàtì.