Mə̀Hibrù 1:9 - Ikan feg

⁹ Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

Meta’

⁹ À wɨə ghaʼə ɨnû nɨ kuʼnɨ bə̀ bànə̀ mbe nɨ chəi mbɨ kuʼnɨ, əne Ŋwìə̀, e Ŋwìə̀ fə zɔʼ e ənɨ mɨwud ɨmbə̀ʼ ɨghaʼi swi ɨŋga e fîŋ. Wɨ̀ fə zɔʼ e chè ɨchî nɨ wɨ̀ zɔʼ mbe bɔŋgɔb.”

Mə̀Hibrù 1:9 Кръстосани препратки

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Jn 1:41

Icheg ne Andrò ya bàra Yeso, wì ya bə̀ndì ghò kwàʼ ati ghò kə̀b Sayimùn ne yaʼi ifi məd, ghà ibo gha, “Tè bàd Wə̀d we ne Ŋwiye zɔ̀ʼi.”

Jn 10:17

Aton ne ìmə mbaʼ we kɔ̀ŋɔ̀ amə ya gha, mə fə sɔ̀ŋ ìmə ìtḛ̀ ni ku imbə̀ʼ icheg ne mə̀ kyèri gha, Ŋwiye biri ywiri nàʼ ìtḛ̀ inum.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 4:26

Məfɔn mbe igun isəg fə chuʼri nyɔd ane àzɔ̀ŋì; Bəd mbe ne sàʼa iben fə bə̀ fète ni zɔ̀ŋ Anɔŋisəg tì Wə̀d məd we ne wì zɔ̀ʼi.›

Ɨ̀fàʼì 4:27

Tesiʼ ya gha, à ya kwàʼ inga ikye aben aŋa ne Erɔ̀d tì Pɔntiyos Payilèd ya bɔ̀mbì tì bəd ne kayi mə̀Ju fɔrɔ mə̀Izre ni taŋ mənaŋ igun Yeso, ìwe wə̀d àfàʼì ìzḛzḛ we ne àghò ya fə zɔʼi.

Rm 12:9

Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

1 Kɔrèn 1:9

Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

Fìlipì 2:9

Icheg ne wì ya ghi ane, Ŋwiye ya si nɔ̀ aməd nɔ̀ŋì igun ati kyen ne che iti ndəŋ ijìm. Wì ya bə̀ nàʼ ikum ibo ne che tikum ndəŋ tijìm.

Mə̀Hibrù 2:11

Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

Mə̀Hibrù 2:9

Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

Ɨnû 2:15

À ya bə̀ ane ne bəd mɔ̀ʼɔ mbe inga inən ne bène abɔ̀ʼ inug mbe ne Nikolòs yaya chwìte.