Mə̀Hibrù 1:3 - Ikan feg

³ Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Meta’

³ Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 1:3 Кръстосани препратки

Matìyò 22:24

“Àchwitìnùg, Muse ya ghà ina gha, wə̀d mə ku ne chəyi tengàŋ beri ŋwan, ifi məd mənyìʼ nam iku-àyi məd ni gwi bɔn ane ikum məd.

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:29

Igun aneg abɔ̀ʼ, Jɔn ya bàra Yeso ne we yèʼe ibo imbìghè. Wì ghà abə bəd gha, “Mbə̀ nḛ! Aŋa ya Ŋwan njə̀g Ŋwiye. Məd ya wə̀d we ne wàʼa inug tibɔ̀ŋ bəd.

Jn 1:4

À ya Ìngam we we nàʼà ìtḛ̀ abə bəd məjìm. Ane, ìtḛ̀ məd ya nàʼà ìzḛzḛ abə bəd məjìm ni kyeri tesiʼ.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 7:56

Wì ya bàd ane si ghà gha, “Mbə̀ nḛ! Mə we bàrà icheg ne ikaŋ àbɔ̀ŋɔ fiʼe bə̀ bàrà icheg ne Ŋwan Wə̀d tə̀mi aba abo jəghi Ŋwiye.”

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Kòlosè 3:1

Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 1:13

Àkə angirə̀ weg ne Ŋwiye ya kweʼì ghà ibo gha, “Àghò chughi ane àmə aba abo jəghi ghò pè ane nyùmə̀ ne mə̀ biri ghì ìmbe bəd ìpàb si yaʼ aghi ne àghò we nɔ̀ŋɔ̀ ighog igun?”

Mə̀Hibrù 10:12

Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 7:27

Mbin tì itog bəd igun bəd mbàn Ŋwiye məjìm yaya nàʼà ighi àfàtì ineg ijìm. Mbɔb ya bì ko nàʼ ighi àfàtì ane ìmbɔb tì inug tibɔ̀ŋ, bɔŋ si nàʼ ighi àfàtì ane inug tibɔ̀ŋ bəd ndəŋ. Chəyi Yeso ya ghi icheg inɔb. Məd ya fə nàʼ àze atog icheg aghi àfàtì ane inug tibɔ̀ŋ bəd məjìm ane ighə̀m imɔʼ.

Mə̀Hibrù 8:1

Anug kyen ne te ghà ya gha: tè bèrì atog wə̀d igun bəd mbàn Ŋwiye ne chughi igun atən ifɔn aba abo jəghi abə Ŋwiye we ne beri ika ijìm.

Mə̀Hibrù 9:16

Mbi ya mənyìʼ chwi aneni gha wə̀d fə ku bɔŋ itə məd we se bèrè ika.

Mə̀Hibrù 9:26

Àkə aghi ne wì ya nyi aghəm nɔʼ nɔʼ, nji wì ya bə̀ zə̰ ngəʼ aghəm nɔʼ nɔʼ ni ko ane nyùmə̀ ne Ŋwiye ya tangi isəg. Wì fə yeʼe ighəm imɔʼ ane nyùmə̀ isəg we ne se nwḭ̀yḛ̀ nàʼ ìwi nyɔd ane aghi àfàtì imbə̀ʼ sò inug tibɔ̀ŋ bəd məjìm inga nyùmə̀ isəg ijìm.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

2 Pità 1:16

Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.

2 Pità 1:17

Ŋwiye ya nàʼ ighumni fɔrɔ ìzḛzḛ njandi njandi ibo anyumə̀ ne gì Ŋwiye ne mbə̰ mbe nàʼà ighumni kyen ibo ya gha gha, “Aŋa ya ìmə Ŋwan ne mə̀ taŋ kɔ̀ŋ ne ghìyə̀ mə gyende.”

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 3:5

Mbə̰ kyèri gha Kristo ya yeʼe ni chì ìmba inug tibɔ̀ŋ. Mbə̰ bə̀ kyèri gha chəyi anug tibɔ̀ŋ mɔ̀ʼɔ yaʼi inga məd.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.

Ɨnû 3:21

Mə biri bḛ gha wə̀d we ne che àkwàʼrì, wì chughi igun atən ifɔn iban inum, kwàʼ icheg ne mə̀ ya bə chè àkwàʼrì bə̀ ghò si chùghi iban ìmə Mbaʼ igun atən ifɔn məd.

Ɨnû 4:11

“Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”