Mə̀Hibrù 1:1 - Ikan feg

¹ À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

Meta’

¹ À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Mə̀Hibrù 1:1 Кръстосани препратки

Lk 1:55

Wè wèndi ni bèrì àdìgrì abə Abràham bə̀ fɔrɔ abə aghaŋ inəbi məd ane ighə̀m imɔʼ, icheg ne wì ya kàʼi ìmba mə̀mbaʼ kyen.”

Lk 1:72

Wì ya bə̀ gha, zìye biri chwi àsɔ̀mnəfiŋ abə ìmba mə̀mbaʼ aneg, bə̀ wèndi ikan ìzḛzḛ məd,

Lk 24:27

Wì ya si ko ane mə̀nɔ̀ʼɔ̀ Muse ghò ane ìŋwàʼrì bədkə̀n Ŋwiye tòʼrì inug ijìm ni Ìngam Ŋwiye ya ghàmi imbə̀ʼ aməd.

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Jn 16:13

Anyumə̀ ne Azwighi Ŋwiye ze ne ghìyə̀ bəd kyere tesiʼ biri yeʼe, wì biri chwiye tesiʼ ijìm inən. Chəyi wì biri ya ghàmà yaʼ ane ìwi ighəm. Wì biri ya ghà məyi anug ne wì zughi. Wì biri ghà inug ne kiri yeʼe inən.

Jn 7:22

Muse ya ghà inən gha, mbə̀ ya ŋwère bɔn mbaŋà. Ane, chəyi anug ne ŋwed bɔn mbaŋà ya ko abə Muse, ze ya ko abə ìmbən mə̀mbaʼ kyen. Mbə̰ mbe bə̀ ŋwère bɔn mbaŋà igun aneg àzwètì mə̀Ju.

Jn 9:29

Tè kyèri gha Ŋwiye ya ghàm abə Muse. Àsi mbe we, chəyi tì kyeri asiŋi ne wì nɔ̀ʼi angu.”

Ɨ̀fàʼì 13:32

Ane, tì fə yeʼe tì ikən chɔm inən gha, anug ze ne Ŋwiye ya kàʼi abə ìmba mə̀mbaʼ aneg,

Ɨ̀fàʼì 2:30

Icheg ne ifɔn Dèvid ya yaʼi wə̀dkə̀n Ŋwiye, wì ya kyeri gha, Ŋwiye ya fə kàʼ bə̀ zɔ̀m ane ìwi ikum gha zìye biri nɔ̀ŋì ŋwan ane aghaŋ inəbi Dèvid gha wì jəg atən ifɔn Dèvid.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

Mə̀Hibrù 11:18

Wì ya ghì ane ne Ŋwiye ya fə bi ghà ibo gha, “À ya anjìm Azìg, ne àghò biri bèrì bɔn mbe ne mə̀ ya kàʼi ine.”

Mə̀Hibrù 11:2

Ibḛfiŋ gho̰ ya aghi ze ne bəd mbe te aneg ya beri, Ŋwiye si niŋ awɔb gha mbe kòʼ.

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 2:2

Ikən we ne mbè angirə̀ ya ghum ghà abə ìmba mə̀mbaʼ kyen mbe te aneg ya chwi gha à ya kwàʼ ikən tesiʼ. Ane, wə̀d ijìm ne chəyi wì ya fàʼi inug icheg ne wi ya gha, tengaŋ ya nyi inga ngəʼ ne koʼi tì tìzughə̀ məd.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 3:5

Muse ya yaʼ wə̀d àfàʼì Ŋwiye ne ya fàʼi inug ijìm inga nəb Ŋwiye ane ìzi fìŋ ijìm. Ŋwiye ya fə ghì Muse ghàm imbə̀ʼ inug mbe ne Ŋwiye ya nɔŋi ni ghum ghà.

Mə̀Hibrù 4:8

Àkə aghi ne Joswà ya niŋi awɔb nyi inga asiŋi àzwètì ze, nji chəyi Ŋwiye ya ywirì ghà gha aneg àzwètì ndəŋ ze kiri yeʼe.

Mə̀Hibrù 5:5

À ya bə̀ ane ne kayi Kristo ya chɔʼi ìwi nyɔd ni niŋ ighumni ni yaʼ atog wə̀d igun bəd mbàn Ŋwiye. À ya Ŋwiye ya chɔʼi aməd ghà ibo gha, “Àghò ya ìmə Ŋwiye. Nɔ̀ʼ tèchɔ̀ŋ, mo ya si ìwe mbaʼ.”

Mə̀Hibrù 9:19

Anyumə̀ ne Muse ya fə mə̀tì mə̀nɔ̀ʼɔ̀ ijìm mbe ne yaʼi inga Àŋwàʼrì Ŋwiye abə bəd məjìm, wì ya niŋ anəm pɔ̀ŋ fɔrɔ anəm gwi nyàmbì inga mənib. Wì ya pà tìtab azed mɔ̀ʼɔ ne mbe kàrà ane hisɔ̀b, nib ndwi bàghi igun, chùb inga anəm ze, si nwìndì igun Àŋwàʼrì Ŋwiye fɔrɔ igun bəd məjìm.