Kòlosè 4:2 - Ikan feg

² Mbə̀ ziye atog ni ya chàʼrà Ŋwiye mà nyumə̀ ijìm. Mbə̀ ya chàʼrà Ŋwiye bə̀ nɔ̀ŋɔ̀ ikɔndi igun ichaʼri Ŋwiye we. Mbə̀ ya bə̀ nàʼà məyakà abə Ŋwiye mà nyumə̀ ijìm.

Meta’

² Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

Kòlosè 4:2 Кръстосани препратки

Matìyò 26:41

Mbə̀ chughi ikyèʼi chàʼra Ŋwiye ni gha imbə̀ʼ mbə̰ nɔ̀ʼ nyi inga àkwàʼrì. Fìŋ ze kə̀bə̀ gha mbə̀ ghiyə anug ne koʼi, si ya gha, nyàmnyɔd bɔd.”

Mk 13:33

Ane mbə̀ we awən, chughi ikyèʼi imbə̀ʼ icheg ne chəyi mbə̀ kyeri nyùmə̀ we ne Ŋwan Wə̀d biri ywiri yeʼe.

Lk 18:1

Yeso ya ghàm ìngam məgri abə mə̀mə̀nənùg ni chwiti gha, mbe kòʼ ni ya chàʼrà Ŋwiye mà nyumə̀ ijìm ywìtì mbi bɔd.

Lk 21:36

Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

Ɨ̀fàʼì 1:14

Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Fìlipì 4:6

Imbə̀ʼ mbə̰ si nwìʼì awən nyɔd imbə̀ʼ aghi mɔ̀ʼɔ. Mbə̀ ya dèghè ìmbən inug ijìm yaʼ abə Ŋwiye. Anyumə̀ ne mbə̰ mbe chàʼrà Ŋwiye, mbə boʼ ibo ibo, nɔ̰ ìmbən ighi ibo, bə̀ nàʼ məyakà ibo.

Kòlosè 1:9

À ya aton ne, nɔ̀ʼ ane aneg ne Epafràs ya mə̀ti inug ina imbə̀ʼ ìwən ibḛfiŋ igun Kristo, chəyi tì kweʼì chughi witì ya chàʼrà Ŋwiye inən. Tì ya chàʼrà Ŋwiye gha, Ŋwiye ghiyə mbə̀ taŋ kyèri ikuchèg məd, Azwighi Ŋwiye naʼa iwe inən bə̀ ghì ìmbən itog taŋ zen.

Kòlosè 2:7

Mbə̀ bə chè imbìghè ni kweg inga anug Kristo, àzən aghaŋ inga Yeso təm kà. Ìwən ibḛfiŋ igun Yeso bə təm kà kwàʼ icheg ne mbi ya chwiti inən. Mbə̀ ya taŋ nàʼà məyakà abə Ŋwiye mà nyumə̀ ijìm.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.