Kòlosè 1:2 - Ikan feg

² Tì ya ŋwàʼrà anìŋ inən mbə̰ mbe ne yaʼi bəd Ŋwiye a Kòlosè ne bə̀ nɔ̀ŋì ìwən ibḛfiŋ igun Kristo. Mbə̰ mbe fàʼà inug ne mbə̀ beri ni fàʼ. Ŋwiye ne yaʼi ìwa Mbaʼ ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Meta’

² Tɨ̀ wɨə ŋwàʼnɨ̀ əmbɨ ə mbə̀n bə̂d Ŋwiə̀ mbe nɨ nuŋ fîŋ ɨgun ə Kristo ə Kòlosè. Ŋwiə̀ a Mbǎʼ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Kòlosè 1:2 Кръстосани препратки

Ɨ̀fàʼì 9:13

Ànàniyàs ya ywìtì gha, “Anɔŋisəg, bəd nɔʼ nɔʼ fə mə̀tì inug inum imbə̀ʼ wə̀d gho̰. Mbi fə mə̀tì icheg ne wì fə zi ngəʼ nɔʼ nɔʼ igun ìmbe bəd a Jèrusalèm.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

Gàlesìyà 1:3

Ŋwiye ne yaʼi ìwa Mbaʼ tì Anɔŋisəg Yeso Kristo wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Gàlesìyà 3:9

Ane, Ŋwiye zì àbɔrɔ̀bɔd igun bəd mbe ne nɔŋi ìwɔb ibḛfiŋ igun Kristo icheg ne wì ya zi àbɔrɔ̀bɔd igun Abràham ne ya nɔ̀ŋì ibḛfiŋ igun Ŋwiye.

Efesùs 1:1

À ya mo Pɔl ne Ŋwiye ya chɔʼi amə gha mə yaʼ wə̀dtɔm Kristo icheg ne məd Ŋwiye kə̀bi ŋwàʼri àŋwàʼrì azo̰. Mə ya ŋwàʼrà anìŋ abə bəd Ŋwiye mbe a Efesùs ne yaʼi ane ifɔti tì Yeso Kristo.

Efesùs 6:21

Tichikùs ne yaʼi ìmə ifi ne mə̀ taŋ kɔ̀ŋ, ne bə yaʼ wə̀d ne fàʼà abə Anɔŋisəg ane ìzi fìŋ ifibì biri ghà inug ijìm imbə̀ʼ amə inən ni gha mbə̀ kyeri icheg ne mə̀ yaʼi bə̀ kyèri àfàʼì ne mə fàʼà.

Fìlipì 1:1

À ya mo Pɔl tì Timotì, bəd àfàʼì Yeso Kristo ŋwàʼri àŋwàʼrì azo̰. Tì ŋwàʼrì anìŋ inən mbə̰ bəd Ŋwiye məjìm mbe a Filipì ne yaʼi ane ifɔti tì Yeso Kristo. Tì bə̀ ŋwàʼrì anìŋ inən mbə̰ mbe ne yaʼi itog bəd igun ifeti bəd Kristo fɔrɔ inən mbə̰ mbe ne fàʼà abə bəd Ŋwiye.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

2 Pità 1:2

Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd. Wì ghiyə ane anjìm icheg ne mbə̀ kyeri aməd bə̀ kyèri Yeso ìwa Anɔŋisəg.

Jûd 1:2

Ŋwiye taŋ chwi àsɔ̀mnəfiŋ inən bə̀ taŋ zì àbɔrɔ̀bɔd igun inən bə̀ taŋ chwi àkɔ̀ŋì inən.

Ɨnû 1:4

À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.