Jems 4:4 - Ikan feg

⁴ Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.

Meta’

⁴ Mbə yɨ ɨghabɨ məyi namɨ nɨə niirɨə mbaŋə̀! Chəi mbə̀ kyerɨ ni wə̀d we nɨə kə̀b jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀ ə? Əne wə̀d mɔʼɔ we nɨ ghaʼ ənû nɨ jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀.

Jems 4:4 Кръстосани препратки

Matìyò 12:39

Yeso ya ywìtì inɔb gha, “Iwaŋ bəd gho̰ ne ghìyə̀ inug tibɔ̀ŋ ne chəyi mbi bə nɔ̀ŋì fìŋ igun Ŋwiye ya bìre yaʼ aneni anug. Si ya gha, chəyi aneni anug mɔ̀ʼɔ ne mə̀ biri chwi inɔb chèyi ane àze ne ya du abə wə̀dkə̀n Ŋwiye Jonà”

Matìyò 16:4

Iwaŋ bəd gho̰ ne ghìyə̀ inug tibɔ̀ŋ ne chəyi mbe bə̀ nɔ̀ŋɔ̀ fìŋ igun Ŋwiye ya kə̀bə̀ ni bàd yaʼ ayeti anug. Si ya gha, chəyi Ŋwiye biri ghì ayeti anug inən chèyi ane àze ne ya du abə Jonà.” Yeso ya ghàm ane, si nɔ̀ʼ sàŋì awɔb ghò yi.

Matìyò 6:24

Yeso ya chè imbìghè gha, “Chəyi wə̀d mɔ̀ʼɔ angu ne tì wì fàʼ abə mə̀mbaʼ àfàʼì məbe. À ya ane imbə̀ʼ icheg ne wì biri bàn ifibì kɔ̀ŋ ìywin, kə̀ wì fàʼ abə ifibì ane ìzi fìŋ ijìm si kə̀nì ìywin. Chəyi tì àghò fàʼ abə Ŋwiye bə̀ ywìrì zì fìŋ ane anug ni bèrì ighi ane ighə̀m ifibì.”

Lk 19:27

Ìmbum bəd ìpàb mbe ne chəyi mbi kə̀bi gha mə yaʼ ifɔn igun inɔb, mbe niŋ awɔb yèʼe zwèti inum imbìghè.›”

Jn 15:19

Àkə ni gha mbə yaʼi abɔ̀ʼ bəd inga isəg, nji mbi ya kɔ̀ŋɔ̀ awən icheg ìmbɔb bəd. Tesiʼ ya gha, chəyi mbə̰ yaʼi abɔ̀ʼ bəd inga isəg. Mə fə chɔʼ awən chì inga isəg. À ya aton ne, bəd inga isəg mbe pàbà awən.

Jn 17:14

Mə fə ghàm ìwe ìngam inɔb. Bəd inga isəg ya se bà̰ awɔb imbə̀ʼ icheg ne mbɔb kayi bəd inga isəg gho̰, bə̀ icheg ne, mo inum kayi bə wə̀d inga isəg gho̰.

Jn 7:7

Chəyi tì bəd inga isəg pàb awən. Mbɔb ya pàbà amə imbə̀ʼ icheg ne mə ghà inɔb gha inug mbe ne mbɔb mbe ghìyə̀ ya inug tibɔ̀ŋ.

Rm 5:10

Anyumə̀ ne tì ya kiri yaʼi bəd ìpàb Ŋwiye, wì ya ghì tì si yaʼ mə̀sə̀ʼ məd anjìm Ŋwan məd we ne ya ku imbə̀ʼ awa. Amad anìŋ ne tì si yaʼ mə̀sə̀ʼ Ŋwiye, tì fə pum anjìm ìtḛ̀ Ŋwan məd.

Rm 8:7

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.