Jems 3:6 - Ikan feg

⁶ Inemi ya icheg iywid. Inemi ya asiŋi nyɔd ne inug tibɔ̀ŋ sweghi inga. Inemi ya chìkə̀ nyàmnyɔd wə̀d ijìm bə̀ tɔ̰̀ ìtḛ̀ wə̀d ijìm. À ya iywid nɔʼ mèg ne biri si tɔ̀n aməd inga asiŋi ichə.

Meta’

⁶ Tɨ əbɔʼ ɨsɨ ɨnyod mbe nɨ yeʼ ɨŋga na, ɨnemɨ yɨ ɨsɨg nɨ ɨnû rɨbɔ̀ŋ swi ɨŋga. Ɨ wɨə chèkɨ̀ə̀ nyamnyod wə̀d jìm, bə̀ tɔ̀n ɨ̀tènɨ̀ məd jìm. À yɨ ɨwid rɨ nìmə we nɨ yeʼ əsɨ ɨchə ə tɔ̀n əməd.

Jems 3:6 Кръстосани препратки

Matìyò 12:24

Anyumə̀ ne mə̀Farìsi ya zughi anug azo̰, mbi ya gha, “À ya Bezebɔ̀b, ifɔn izwighi tibɔ̀ŋ we nàʼà ika ni kamni izwighi tibɔ̀ŋ chì inga bəd abə wə̀d gho̰.”

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Mk 7:15

Chəyi aghi mɔ̀ʼɔ asaŋ ne wə̀d mə jəg kə̀ ne wì mə no, ze ghì gha imbə̀ʼ wì zḛ yi. À ya anug ze ne dùwə̀ inga wə̀d ze ghìyə̀ gha imbə̀ʼ wì zḛ yi.” [

Lk 16:24

Wì ya kàrì Abràham gha, ‹Àta Abràham, Àghò bere àsɔ̀mnəfiŋ igun inum. Mə boʼ ibo ine, àghò cha Lazaròs wè chubə àze atog ifeg inga mənib yèʼe chə̀mbi inum igun inemi.›

Ɨ̀fàʼì 20:30

Bəd biri dù fɔrɔ inga inən ne biri kɔpi tesiʼ imbə̀ʼ icheg ne mbe kə̀bə̀ gha mə̀mə̀nənùg beni inɔb anjìm.

Ɨ̀fàʼì 5:3

Icheg ne wì ya nàʼi ane, Pità ya biri ibo gha, “Ànàniyàs, aton àghò sàŋi gha Sàtàn nyi ine inga fìŋ tàmbi awe anìŋ àkə gha? Àghò mə̀tì anug ako abə Azwighi Ŋwiye icheg ne àghò fḛ asiŋi ìseg sɔ̀bri ikab nɔ̀ŋì anjìm.

Ɨ̀fàʼì 6:13

Anyumə̀ ne mbi ya pe imbìghè abə bəd ne saʼa aben, mbi ya ghi bəd təm bḛ inug ako gha, “Mbe gho̰ we ghàmà inug tibɔ̀ŋ imbə̀ʼ mbàn Ŋwiye fɔrɔ imbə̀ʼ mə̀nɔ̀ʼɔ̀ Muse.

Tayitùs 1:11

Àghò kirə ika ni ghì gha mbe chim tizi imbə̀ʼ icheg ne mbɔb mbe bùrə̀ tinəbi tijìm ane inug mbe ne mbɔb mbe chwìte ne chəyi mbi koʼi ni chwiti. Mbɔb ya chwìte inug mbe məyi ni bèrì ìwɔb ikab.

Jems 2:7

Imbə̀ʼ à ya mbɔb mbe chìkə̀ ikum chɔm we ne Ŋwiye nàʼi inən?

Jems 3:7

Wə̀d we tì wì ghi aku nyam ajìm se zùgrə aməd. Bəd fə ghì ane tì aku nyam nɔʼ nɔʼ. À ya aku nyam ajìm icheg nyam mben, tìnən, nyam ne swàrì swari aseg, fɔrɔ nyam te ne chùghə inga igyi.

2 Pità 3:3

Anug mbègtog ne mbə̀ beri ni wendi ya gha, inga ineg mbe ne se nwìyḛ̀, bəd ne chwìte inug ako biri yeʼe se chàpà inug tesiʼ mbe be mbə̀ nɔŋi ibḛfiŋ igun. Mbɔb biri se bène yaʼi abɔ̀ʼ inug mbe ne ìtɔb nyàmnyɔd te ghə̀ʼrə̀.

3 Jɔn 1:10

Anyumə̀ ne mə̀ biri yeʼe, mə biri mə̀tì inug tibɔ̀ŋ mbe ne məd we ghìyə̀ bə̀ mə̀tì tìngam tibɔ̀ŋ te ne məd we ghàmà imbə̀ʼ awa. Icheg ni gha chəyi inug tibɔ̀ŋ məd kiri koʼi, məd we to̰ yi ni niŋ məfi mbin ne yḛ̀ nè ghàmà Ìngam Ŋwiye inga ifeti bəd Kristo. Mə biri bə mə̀tì icheg ne məd we bə̀ ghà abə bəd ndəŋ gha imbə̀ʼ mbi niŋ awɔb bəd mbe. Məd fə bə̀ kamni bəd Kristo mbe ne kə̀bə̀ ni niŋ bəd mbe, chì inga ifeti bəd Kristo.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 18:23

Chəyi anam biri nɔʼ ywiri zuʼ inga ine. Chəyi mbi biri nɔʼ ywiri ghì inami inga ine. Ìmbe bəd iywin ya yaʼ bəd ne beri ighumni igun isəg. Àghò yaya tàmba bəd inga iben ijìm ane tikaŋì.

Ɨnû 19:20

Mbi ya gwì nyam kyen ze bə̀ gwì wə̀dkə̀n we ne ghà inug ako ne yaya ghìyə̀ iyeti inug ane ìwi ikum. Wì ya chè anjìm iyeti inug mbe tàmbi bəd mbe ne mbi ya zi aneni ze abə nyam kyen ze igun inɔb bə̀ tàmbi bəd mbe ne yaya ghùmnə aghi-ŋwiye məd. Mbi ya màʼ nyam kyen ze bə̀ màʼ wə̀dkə̀n inug ako we izɔm inga asiŋi ne sɔfɔ̀ we ghìyə̀ iywid kyen bere.