Jems 3:2 - Ikan feg

² Mba məjìm mbe fèbè ane mənɔnjì nɔʼ nɔʼ. Wə̀d mɔ̀ʼɔ mə̀ yaʼ angu ne chəyi we kweʼè fèbè ane inug ne we ghà, nji tengàŋ bɔ̀ŋ mànì bə̀ yaʼ wə̀d ne taŋ kyèri icheg ni nyimi ìwi nyɔd.

Meta’

² Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

Jems 3:2 Кръстосани препратки

Matìyò 12:34

Mbə̰ ya kwàʼ ifighi! Tì mbə̰ bəd fìŋ tibɔ̀ŋ ghàm ìngam chɔm? Imbə̀ʼ wə̀d ya ghàmà anug ne yaʼi ibo inga fìŋ?

Matìyò 12:37

À ya ìwe ìngam biri chwi gha àghò chè isaʼi kə̀ gha àghò gùg isaʼi.”

Rm 3:10

À ya àzewən ne Àŋwàʼrì Ŋwiye gha gha, “Chəyi wə̀d mɔ̀ʼɔ ne təmi kòʼ imbìghè abə Ŋwiye. Chəyi ka wə̀d mɔ̀ʼɔ imɔʼ.”

Rm 7:21

Tesiʼ ni inga anug azo̰ ya gha, anyumə̀ ne mə̀ kɔŋi ni ghì inug chɔ̀m, à ya məyi inug tibɔ̀ŋ mbe kɔ̀ʼɔ inga inum.

1 Kɔrèn 9:27

Mə ya nyìmbe ìmə nyɔd, ghìyə̀ gha wi yaʼ àbòʼì inum, imbə̀ʼ mə nɔ̀ʼ ghà ikən chɔm abə bəd ndəŋ si chè sam ineʼi we.

Gàlesìyà 3:22

Si ya gha, Ìngam Ŋwiye ghà gha, inug tibɔ̀ŋ mbe kɔ̀rɔ bəd məjìm inga isəg. Ìngam Ŋwiye ghà ane ni ghì gha bəd kyeri gha, aghi ze ne mbi ya kàʼi ni nàʼ abə bəd anjìm ìwɔb ibḛfiŋ igun Ŋwiye ze tì mbi nàʼ məyi abə bəd mbe ne bḛ Yeso Kristo.

Gàlesìyà 5:17

Aton ya gha, nyàmnyɔd ya kə̀bə̀ yaʼ inug mbe ne chəyi Azwighi Ŋwiye ze kə̀bə̀. Azwighi Ŋwiye ya bə̀ kə̀bə̀ yaʼ inug mbe ne chəyi nyàmnyɔd ze kə̀bə̀. Chəyi tì mbɔb mbo̰ məbe yaʼ ane anug amɔʼ. Ane, chəyi tì mbə̰ ghì inug ne mbə̰ mbe kə̀bə̀.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Jems 1:26

Wə̀d mɔ̀ʼɔ abɔ̀ʼ inən wa kɔ̀ndi gha zìye təm kà inga anug Ŋwiye? Àmə chəyi wì kyèri ni nyimbi ìwi ichug, wì ya tàmba ìwi nyɔd. Anug Ŋwiye məd ya bə̀ ati ako.

Jems 1:4

Mbə̀ che imbìghè ni nyìʼ fìŋ. Mbə̰ mə̀ taŋ nyìʼ fìŋ ane, nji ìwən ibḛfiŋ biri təm kà, ìwən ikuchèg bə̀ bɔ̀ŋ mànì, ne chəyi anug tibɔ̀ŋ mɔ̀ʼɔ ne tì wə̀d ghà imbə̀ʼ awən.

Jems 2:10

Wə̀d mɔ̀ʼɔ mə̀ nɔ̀ŋì mə̀nɔ̀ʼɔ̀ məjìm si gùg ka məyi nɔ̀ʼɔ imɔʼ, ane ya gha wì fə gùg mə̀nɔ̀ʼɔ̀ məjìm.

1 Pità 3:10

A ze inga Àŋwàʼrì Ŋwiye gha, “Wə̀d ne kɔ̀ŋi ni bèrì ìtḛ̀, bə̀ chùghi icheg chɔm, tàndì igun isəg, tengàŋ mənyìʼ chì ìwi ichug ane ìngam tìbɔŋ, bə̀ chì ìwi ichug ane inug ako.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.