Jems 3:1 - Ikan feg

¹ Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.

Meta’

¹ Mbɨ bɔŋgɔb, tɨ bə̂d mɨ̀nɔnɔʼ rəkaʼ nən yeʼ əwən məchwiə̀-ɨnû, ɨmbə̀ʼ ɨghəm nɨ mbə̀ fə kyerɨ ə ni Ŋwìə̀ bɨrɨ saʼ mbà mbe nɨə chwi ɨnû ənɨ ɨnə̂njɨ̀ nɨ kaanɨ.

Jems 3:1 Кръстосани препратки

Matìyò 10:24

Chəyi àmə̀nənùg che wə̀d we ne chwìte inug ibo. Chəyi ŋwan àfàʼì bə chè mbaʼ àfàʼì məd.

Matìyò 23:13

Yeso ya chè imbìghè gha, “Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe kə̰ inuʼ akɔŋi gha imbə̀ʼ bəd nɔ̀ʼ nyi inga anug ìfɔ̀n ikaŋ. Chəyi mbə̰ mbe nyḭ̀yḛ inga. Chəyi mbə̰ mbe bə̀ kə̀bə̀ gha bəd ndəŋ ne kirə ika ni nyi inga, mbe nyi.

Matìyò 23:14

[Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Ngəʼ kyen biri nyi igun inən mbə̰ mbe ne tàmba məku-àyi nìŋə ìmbɔb ighi se fùbrə̀ aghə inɔb chàʼrà Ŋwiye tà̰. Ŋwiye biri taŋ chə awən chè bəd ndəŋ məjìm ne ghìyə̀ inug tibɔ̀ŋ.]

Matìyò 9:11

Anyumə̀ ne mə̀Farìsi ya bàri, mbi ya biri abə mə̀mə̀nənùg ìmbi Yeso gha, “Aton ne ìwən Àchwitìnùg we jə̀ghə tì bədtag fɔrɔ bəd ne ghìyə̀ inug tibɔ̀ŋ àkə gha?”

Lk 16:2

Wə̀d ikab we ya kàrì wə̀d àfàʼì məd biri ibo gha, ‹Àkə anug ye ne mə zùghə anìŋ imbə̀ʼ awe? Niŋ ìmbe ìŋwàʼrì àfàʼì yeʼe chwi inum imbə̀ʼ icheg ne chəyi àghò biri ywiri fàʼ àfàʼì azo̰.›

Lk 6:37

Yeso ya chè imbìghè gha, “Imbə̀ʼ mbə̰ sɔbɔ awən isaʼi igun bəd. Chəyi Ŋwiye biri bə sɔb isaʼi igun inən. Imbə̀ʼ mbə̰ chìkə awən ikum wə̀d. Chəyi Ŋwiye biri bə chìkì ìwən. Mbə̀ waʼ inug tibɔ̀ŋ bəd, Ŋwiye biri bə waʼ ìmbən.

Jn 3:10

Yeso ya ywìtì ibo gha, “Àghò ya wə̀d ne chwìte inug abə mə̀Izre, aghə si ghì chəyi àghò kyèri anug azo̰?

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

1 Timotì 1:7

Mbɔb ya kə̀bə̀ ni yaʼ bəd ne chwìte mə̀nɔ̀ʼɔ̀ Muse. Si ya gha, chəyi mbɔb kyeri anug ne mə̀nɔ̀ʼɔ̀ mbe ghà, kə̀ bì kyèri anug ne mə̀nɔ̀ʼɔ̀ kə̀bi gha bəd kyeri.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

Mə̀Hibrù 13:17

Mbə̀ ya zùgrə ìmbən itog bəd ane anug Ŋwiye bə̀ ya fàʼà inug mbe ne mbɔb mbe ghà inən. Àzɔb àfàʼì ya ni kyèʼrì awən. À ya mbɔb ne biri təm imbìghè abə Ŋwiye ni mə̀tì inug imbə̀ʼ awən. Mbə̀ ya zùgrə awɔb, ni ghì gha mbi biri ya fàʼà àzɔb àfàʼì ane igyendi, kayi ane agaŋ. Mbi mə̀ ya fàʼà nè gàŋa, chəyi ze biri wètì awən.

Jems 1:16

Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Jems 3:10

Ìngam ighumni fɔrɔ ìngam ndɔ̀n ya dùwə̀ məyi inga ichug we imɔʼ. Ìmbum məfi fɔrɔ ìtum njàbi, kayi icheg ne ze koʼi ni yaʼ we.

1 Pità 5:3

Imbə̀ʼ mbə̰ si nyəmə awən bəd mbe ne Ŋwiye zi inga ìtən tikye abo. Mbə̀ bere ikuchèg chɔm ne bəd Kristo biri se mə̀nə̀.