Jems 2:8 - Ikan feg

⁸ Mbə̰ biri ya fàʼà yaʼ anug ne koʼi anyumə̀ ne mbə taŋ nɔ̀ŋì nɔ̀ʼɔ̀ we ne Ifɔn we ne nɔ̀ŋɔ̀ isəg ya gha mbi ŋwàʼrì inga Àŋwàʼrì Ŋwiye. Nɔ̀ʼɔ̀ we ya gha, “Àghò kɔŋɔ wə̀d ne yaʼi iban ine icheg ne àghò kɔŋi ìwe nyɔd.”

Meta’

⁸ Mbə mɨ kàŋ nuŋ ɨkə we nɨ ɨfɔ̀n we nɨə nùŋ ɨsɨg nyaʼa gha mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, “À berɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod,” əne mbə̀ fə ghɨ̀ ənû nɨ kuʼnɨ.

Jems 2:8 Кръстосани препратки

Matìyò 22:39

Nɔ̀ʼɔ̀ ne bene abɔ̀ʼ ya icheg ìwi mbègtog: Kɔ̀ŋɔ wə̀d ne yaʼi iban ine icheg ne àghò kɔ̀ŋi ìwe nyɔd.

Matìyò 25:21

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Matìyò 25:23

Mbaʼ àfàʼì məd we ya ghà ibo gha, ‹Àghò fə fàʼ kwàʼ icheg chɔm. Àghò ya kwàʼ wə̀d àfàʼì chɔ̀m ne fàʼà ane ìze fìŋ ijìm. Icheg ne àghò fə fàʼi ane ìze fìŋ ijìm tì ighi kwa kwa, mə biri nɔ̀ŋì awe igun ighi nɔʼ nɔʼ. Nyi inga nəb tì se fɔrɔ gyènde!›

Matìyò 7:12

Ane, inga inug ijìm, aghi ze ne àghò kə̀bi gha mbe faʼa ine, àghò faʼa àzewən abə mə̀mbin. Aŋa ya anug ne yaʼi inga mə̀nɔ̀ʼɔ̀ Muse fɔrɔ inga inug mbe ne bədkə̀n Ŋwiye yaya ghà.”

Rm 13:10

Àghò mə kɔ̀ŋ wə̀d, chəyi tì àghò ghì anug tibɔ̀ŋ abə tengàŋ. Ane, ni nɔ̀ŋì mə̀nɔ̀ʼɔ̀ Muse ya ni kɔ̀ŋ bəd.

Gàlesìyà 5:14

imbə̀ʼ icheg ne mə̀nɔ̀ʼɔ̀ məjìm fə fɔtɔ ane anug amɔʼ: Anug ze ya gha, “Àghò kɔŋɔ wə̀d ne yaʼi iban ine icheg ne àghò kɔ̀ŋi ìwe nyɔd.”

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Fìlipì 4:14

Mbə̰ ya ghì anug chɔm icheg ne mbə̀ ya wèti amə anyumə̀ ne mə̀ ya yaʼi inga ngəʼ.

1 Tèsàlonikà 4:9

Amad anìŋ, chəyi tì ywirì bèrì ni ghàm inən imbə̀ʼ icheg ne mbə̀ beri ni ya kɔ̀ŋɔ̀ ìmbən məfi fɔrɔ ìtən njàbi. Ŋwiye zìye fə chwiti inən gha mbə̀ ya kɔ̀ŋɔ̀ ìmbən məfi fɔrɔ ìtən njàbi.

Jems 1:25

Àsi wə̀d we ne taŋ zì atog ni zug mə̀nɔ̀ʼɔ̀ mbe ne bɔŋi mànì, ne pùmnə bəd, bə̀ chè imbìghè ni ya nḛ̀ igun mə̀nɔ̀ʼɔ̀ mbe, ne chəyi wì ya zùghə inug nèbè, Ŋwiye biri zì àbɔrɔ̀bɔd igun məd.

Jems 2:12

Mbə̀ ya ghàmà bə̀ ghìyə̀ inug icheg bəd ne Ŋwiye biri saʼ awɔb ane nɔ̀ʼɔ̀ we ne chìyè bəd ane ika we ne inug tibɔ̀ŋ beri igun bəd.

Jems 2:19

Àghò bḛ gha Ŋwiye məyi imɔʼ. Ze bɔ̀ŋ! Ka à ya bè izwighi tibɔ̀ŋ, mbɔb bə̀ bḛ ane. Si ya gha, mbɔb ya bḛ nè bìnde.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.