Jems 2:5 - Ikan feg

⁵ Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Meta’

⁵ Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jems 2:5 Кръстосани препратки

Matìyò 11:5

Məfəg mbe se bàrà isiŋi. Bəd ne ighog sweʼe mbe se nɔ̀ʼɔ̀ yḛ̀ icheg chɔm. Aghɔn fə mèg igun bəd ne yaya ghɔ̰̀ àwàrikə̀m, mbi se zḛ. Bəd ne koro mbe se zùghə inug icheg chɔm fɔrɔ iwu bəd mbe zwème. Bəd mbe bə̀ ghà ikən chɔm abə bəd ne chəyi àzɔb.

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Matìyò 5:3

“Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Mk 7:14

Yeso ya ywìrì kàrì inɔ̰ bəd we abɔ̀ʼ məd, ghà inɔb gha, “Mbə̰ məjìm zug anug azo̰ ne mə ghà, ìmbən itog zen.

Lk 12:21

Aŋa ya icheg ne ze biri yaʼ abə wə̀d ne feti ighi nɔʼ nɔʼ nɔ̀ŋì abə ìwi nyɔd ne chəyi wì beri aghi mɔ̀ʼɔ imbìghè abə Ŋwiye.”

Lk 12:32

Ìmbum bɔn njə̀g, imbə̀ʼ mbə̰ bɔ awən. Ìwən mbaʼ gyèndi kwàʼ ako ni nàʼ anug ìfɔ̀n ikaŋ inən.

Lk 16:22

Nyùmə̀ ya kòʼ, Lazaròs, wə̀d ifum we, wì ku. Mbè angirə̀ ya yeʼe bèʼì aməd ghò a asiŋi chɔm iban Abràham. Wə̀d ikab we ya bə̀ ku, mbi twəŋi aməd.

Lk 16:25

Abràham ya ywìtì gha, ‹Ŋwan, wendi gha, anyumə̀ ne àghò ya yaʼi igun isəg, àghò ya yaʼ inga ìchɔ̀mì, Lazaròs ya yaʼ inga ngəʼ. Àsi amad anìŋ, məd we inga ìchɔ̀mì aŋa àghò si inga ngəʼ aghɔ.

Lk 22:29

Mə biri nàʼ anug ìfɔ̀n inən kwàʼ icheg ne ìmə Mbaʼ fə nàʼi anug ìfɔ̀n inum.

Lk 6:20

Yeso ya ghabri nèn mə̀mə̀nənùg məd, ghà inɔb gha, Ŋwiye zì àbɔrɔ̀bɔd igun inən, mbə̰ mbe ne chəyi àzən imbə̀ʼ icheg ne anug ìfɔ̀n Ŋwiye ya àzən.

Jn 7:48

Mbə wa bàd wə̀d mɔ̀ʼɔ abɔ̀ʼ itog bəd ne tùmbə̀ aben kə̀ Farìsi mɔ̀ʼɔ ne nɔŋi ibḛfiŋ igun məd?

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 2:9

Mbe ŋwàʼrì inga Àŋwàʼrì Ŋwiye gha, “Anug ne chəyi wə̀d kə kweʼì bàd, ne chəyi wə̀d kə̀ kweʼì zug, kə̀ bì kweʼì kɔ̀ndi inga fìŋ, à ya anug ne Ŋwiye fə chuʼri nɔ̀ŋì abə bəd mbe ne kɔ̀ŋɔ̀ aməd.”

2 Kɔrèn 4:15

Inug mbo̰ ijìm ya ni wètì awən. À ya ni ghì gha icheg ne bəd nɔʼ nɔʼ fə jəghi ane ìchɔ̀mì Ŋwiye, mbi biri taŋ nàʼ məyakà fɔrɔ ighumni nɔ̀ʼ nɔ̀ʼ abə Ŋwiye.

2 Kɔrèn 6:10

Bəd mɔ̀ʼɔ ya nḛ̀ awa kɔ̀ndɔ gha tì we sɔ̀mnɔ̀, si ya gha, tì ya gyènde awa mà nyumə̀ ijìm. Bəd mɔ̀ʼɔ ya nìŋə awa ane bəd ne chəyi àzɔb, si ya gha, mba ya bəd ne ghìyə̀ bəd ndəŋ faŋà bèrè ighi. Bəd mɔ̀ʼɔ ya nìŋə awa icheg ni gha chəyi tì beri aghi, si ya gha, tè bèrì ighi ijìm.

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

2 Tès 1:5

Inug mbo̰ ijìm ya aneni ni chwi gha Ŋwiye ya sàʼa bəd ane ikuchèg ne koʼi. Àzo̰ chwi gha Ŋwiye biri ghì mbə̰ kòʼ ni nyi inga anug ìfɔ̀n məd anjìm ngəʼ ze ne mbə̰ mbe zə̰.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

2 Timotì 4:18

Anɔŋisəg biri chì amə inga tiku ngəʼ tibɔ̀ŋ tijìm. Wì biri ghì mə nyi inga anug ìfɔ̀n ikaŋ məd kwàʼ ane àbɔrɔ̀bɔd. Ighumni yaʼ ìwi məd kwàʼ ane ighə̀m imɔʼ. À ya ane.

2 Timotì 4:8

Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

Mə̀Hibrù 11:26

Wì ya bàd gha anug ne zə̰ ngəʼ imbə̀ʼ Wə̀d we ne Ŋwiye zɔ̀ʼi ze bɔ̀ŋ chè ighi àka inun mbe ne yaʼi a Ijìb imbə̀ʼ icheg ne wì yaya nḛ̀ imbìghè igun chùd ze ne wì biri bèrì.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jems 1:16

Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Jems 1:9

Wə̀d Kristo we ne chəyi bəd mbe nìŋə məd ane aghi mɔ̀ʼɔ, wì ya gyènde gha Ŋwiye nɔ̀ aməd ikaŋ.

1 Pità 1:4

Anug azo̰ fə bə̀ ghì gha tì jəg ighi mbe ne wì nɔŋi ikaŋ àbɔ̀ŋɔ abə ìmbi bəd. Ŋwiye fə nɔ̀ŋì ighi mbe ikaŋ àbɔ̀ŋɔ asiŋi ne chəyi mbi biri nɔʼ bɔb kə̀ bə kə̀ kɔ̀pɔ.

2 Pità 1:11

Ane, Ŋwiye biri nàʼ ika ijìm inən ni nyi inga anug ìfɔ̀n ighə̀m imɔʼ àzi ìwa Anɔŋisəg Yeso Kristo ne pùmnə awa.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.

Ɨnû 21:7

Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.