Jems 2:18 - Ikan feg

¹⁸ Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”

Meta’

¹⁸ Wə̀d mɔʼɔ bɨrɨ gha ni, “À benɨ, àyɨə mə wɨə ghɨ̀ə̀ ɨnû chɔ̀m.” Wɨ̀ mɨ ghà əne, mə bɨrɨ gha ɨ bɔ ni, “Chwi e ɨbenɨ ɨ num nɨ chəi ɨnû chɔ̀m mbe nɨ àwɔ̀ ə ghɨ̀ə̀, əne mə bɨrɨ chwi mɨ ɨbenɨ ɨ ne ənɨ ɨnû chɔ̀m mbe nɨ mɨə ghɨ̀ə̀.”

Jems 2:18 Кръстосани препратки

Rm 14:23

Àsi wə̀d we ne jə̀mə̀, bə̀ ywìrè jə̀ghə, tengàŋ gùg anug imbə̀ʼ icheg ne chəyi we jə̀ghə tì ibḛfiŋ. Inug ijìm mbe ne chəyi wə̀d we ghìyə̀ tì ibḛfiŋ ya inug tibɔ̀ŋ.

Rm 3:28

Tè kyèri gha wə̀d ya tə̀mə kòʼò imbìghè abə Ŋwiye ane tengàŋ beri ibḛfiŋ igun Yeso. Kayi imbə̀ʼ icheg ne wì ya ghìyə̀ inug mbe ne yaʼi inga mə̀nɔ̀ʼɔ̀ Muse.

Rm 4:6

À ya aghi ze ne Dèvid ya bə ghà imbə̀ʼ igyendi ne yaʼi inga fìŋ abə wə̀d we ne Ŋwiye nìŋi məd ane wə̀d ne təmi kòʼ ne kayi imbə̀ʼ ìfàʼì:

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 9:19

Mbə̰ biri biri inum gha, “Aton ne Ŋwiye we ywìrè gàŋa ina àkə gha? Àkə we ne tì wì to̰ yi anug ne Ŋwiye fə chuʼri nɔ̀ŋì?”

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

Mə̀Hibrù 11:31

À ya anjìm ibḛfiŋ ne chəyi mbi ya zweti Rahàb ne ya yaʼi àkwàrì abɔ̀ʼ bəd mbe ne ya ghi tìzughə̀ abə Ŋwiye. Chəyi mbi ya zweti aməd imbə̀ʼ icheg ne wì ya niŋ mə̀Ju mbe ne ya ghò ni nyaʼ nwendi inug imbə̀ʼ Jèrikò, nə̀mbì ibo inga nəb.

Mə̀Hibrù 11:33

Inga bəd mbo̰ məjìm: Mbi mɔ̀ʼɔ ya zɔ̀ŋ iben ndəŋ chè. Mbi mɔ̀ʼɔ ya ghì inug ne koʼi abə bəd. Mbi mɔ̀ʼɔ ya bə̀ jəg anug ze ne Ŋwiye ya kàʼi. Mbi mɔ̀ʼɔ ya wùbì ichug abə ìfɔn.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Jems 2:14

Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

Jems 3:13

Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.