Jems 2:1 - Ikan feg

¹ Ìmbum məfi fɔrɔ ìtum njàbi, icheg ne mbə̀ bḛ Anɔŋisəg Yeso Kristo we ne bəd mbe ghùmnə, imbə̀ʼ mbə̰ si ya ghìyə̀ awən ighə.

Meta’

¹ Mbɨ bɔŋgɔb, ɨchî nɨ mbə̀ ben Ə̀nùŋɨ̀sɨg Yeso Kristo we nɨ bə̂d ə wumnɨə, tɨ mbə̀ ghɨ̀ ə əghə.

Jems 2:1 Кръстосани препратки

Matìyò 22:16

Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Ɨ̀fàʼì 10:34

Pità ya ko ghàm abə bəd mbe inga nəb Kònilìyùs gha, “Amad anìŋ, mə kyèri kwàʼ tesiʼ gha chəyi Ŋwiye we ghìyə̀ ighə.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 24:24

Ane ineg mɔ̀ʼɔ ya chè, Gɔbnà Feligs tì iweg məd ne ikum məd ya Drùsilà ya yeʼe. Drùsilà ya yaʼ Ju. Wì ya yeʼe pè chà bəd, mbi ghò kàrì Pɔl imbə̀ʼ icheg ne wì yaya kə̀bə̀ ni zug inug mbe ne Pɔl yaya ghàmà imbə̀ʼ anug ni nɔ̀ŋì ibḛfiŋ igun Yeso Kristo.

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

Rm 1:11

Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

Kòlosè 1:4

Tì ya nàʼà məyakà ibo ane imbə̀ʼ icheg ne tè zug icheg ne mbə̀ nɔŋi ìwən ibḛfiŋ igun Yeso Kristo fɔrɔ icheg ne mbə̰ mbe kɔ̀ŋɔ̀ bəd Ŋwiye məjìm.

1 Timotì 1:19

Nyimi ìwe ibḛfiŋ bə̀ bèrì fìŋ ne zḛ. Bəd mɔ̀ʼɔ fə waʼ anug ni nɔ̀ŋì ìtɔb fìŋ gha ti ya zḛ, ane chìkì ìwɔb ibḛfiŋ.

1 Timotì 5:21

Mə ya anìŋ ghà ine imbìghè abə Ŋwiye tì imbìghè abə Yeso Kristo fɔrɔ imbìghè abə mbè angirə̀ mbe ne Ŋwiye chɔ̀ʼi gha, àghò nɔŋɔ tikə ìto̰ ne mə̀ nàʼi ine witì ghì ighə, kə̀ ni chwi gha àghò kɔ̀ŋ wə̀d mɔ̀ʼɔ icha chè ìywin.

Tayitùs 1:1

À ya mo Pɔl, wə̀d àfàʼì Ŋwiye ne bə̀ yaʼ wə̀dtɔm Kristo ŋwàʼri àŋwàʼrì azo̰. Ŋwiye ya chɔʼ amə gha mə̀ ghiyə ibḛfiŋ abə bəd mbe ne wì chɔ̀ʼi we təm kà. Wì ya bə̀ chɔʼ amə gha mə̀ ghiyə mbe kyeri tesiʼ we ne biri ghì mbɔb chughi ane ikuchèg ne Ŋwiye kə̀bi.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Jems 1:16

Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Jems 2:3

Mbə̰ mə̀ ghùmni wə̀d ne zi ndwi àka inun, ghà ibo gha, “Chughi igun atən chɔm azo̰,” si ghà abə wə̀d ifum we gha, “Təm ayin,” kə̀ “Chughi aseg aŋa iban àmə ighog.”

Jems 2:9

Mbə̰ mə̀ ya ghìyə̀ ighə, nji mbə fə ghì anug tibɔ̀ŋ. Ane, nɔ̀ʼɔ̀ we nyìmi awən icheg ne we nyìme bəd ne gùghə̀ mə̀nɔ̀ʼɔ̀.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.

Ɨnû 14:12

Ane ya gha, bəd Ŋwiye bèrì ni nyìʼ. Mbe bèrì ni nɔ̀ŋì mə̀nɔ̀ʼɔ̀ Ŋwiye bə̀ bèrì ni nɔ̀ŋì fìŋ igun Yeso.