Jems 1:16 - Ikan feg

¹⁶ Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Meta’

¹⁶ Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ wə̀d mɔʼɔ tambɨ i əwən.

Jems 1:16 Кръстосани препратки

Matìyò 22:29

Yeso ya ywìtì gha, “Mbə̰ ya anìŋ fèbè imbə̀ʼ icheg ne chəyi mbə̀ kyeri Ìngam Ŋwiye kə̀ ika məd.

Mk 12:24

Yeso ya ywìtì inɔb gha, “Aton ne mbə fèbè ya gha chəyi mbə̀ kyèri anug ne yaʼi inga Àŋwàʼrì Ŋwiye. Chəyi mbə̀ bə kyèri ika Ŋwiye.

Mk 12:27

Məd kayi Ŋwiye iwu bəd. Məd ya Ŋwiye bəd mbe ne yaʼi izɔm. Mbə fə taŋ fèbè!”

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

Gàlesìyà 6:7

Imbə̀ʼ mbə̰ si tamba awən ìwən nyɔd. Chəyi tì wə̀d niŋ Ŋwiye ane anen. Aghi ze ne wə̀d nyɔ̀ʼi, à ya àzewən ne wì biri kab.

Fìlipì 2:12

Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaya zùgrə Ŋwiye anyumə̀ ne mə̀ ya yaʼi abɔ̀ʼ inən, amad anìŋ ne chəyi mə̀ ywirì yaʼ abɔ̀ʼ inən, mbə̀ che imbìghè ni taŋ zugri aməd. Mbə̀ kirə ika ni təm kà icheg ne Ŋwiye fə pumni awən. Mbə̀ ya ghìyə̀ yaʼ inug ne chwìye gha mbə̰ mbe ghùmnə Ŋwiye bə̀ zùgrə aməd.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

Kòlosè 2:4

Mə ya ghà inug mbo̰ inən ni ghì gha imbə̀ʼ wə̀d mɔ̀ʼɔ nɔ̀ʼ tàmbi awən ane tìngam nəmi nəmi.

Kòlosè 2:8

Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

2 Timotì 2:18

Mbɔb fə waʼ tesiʼ we ne yaʼi inga Ìngam Ŋwiye. Mbɔb mbe ghàmà gha anug ni zweme ane iwu ya fə chè. Mbɔb ya ghìyə̀ ane chìkə̀ ibḛfiŋ abə bəd ndan ndàn.

Mə̀Hibrù 13:1

Mbə̀ che imbìghè ni ya kɔ̀ŋɔ̀ wə̀d imɔʼ imɔʼ icheg ne məfi mbe kɔ̀ŋɔ̀ ìtɔb nyàmnyɔd.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

Jems 2:1

Ìmbum məfi fɔrɔ ìtum njàbi, icheg ne mbə̀ bḛ Anɔŋisəg Yeso Kristo we ne bəd mbe ghùmnə, imbə̀ʼ mbə̰ si ya ghìyə̀ awən ighə.

Jems 2:14

Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

Jems 3:1

Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.

Jems 3:10

Ìngam ighumni fɔrɔ ìngam ndɔ̀n ya dùwə̀ məyi inga ichug we imɔʼ. Ìmbum məfi fɔrɔ ìtum njàbi, kayi icheg ne ze koʼi ni yaʼ we.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.

Jems 5:12

Ìmbum məfi fɔrɔ ìtum njàbi, ijiʼi anug ya gha, imbə̀ʼ mbə̰ zɔ̀m awən anug, ka. Kə̀ àkə ni zɔ̀m ane ikaŋ àbɔ̀ŋɔ kə̀ ane ìseg, kə̀ bə̀ yi ane aghi mɔ̀ʼɔ ndəŋ. Mbə̀ ya bḛ məyi gha; “E!” kə̀ “Indèʼ!” Mbə̰ mə̀ ya bḛ ane, chəyi Ŋwiye biri gha mbə gùg anug.

Jems 5:19

Ìmbum məfi fɔrɔ ìtum njàbi, wə̀d mɔ̀ʼɔ mə̀ fèbè, dù igun inɔnjì tesiʼ, wə̀d ndəŋ wete aməd ywìrì chwi inɔnjì tesiʼ ibo.