2 Kɔrèn 4:2 - Ikan feg

² Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

Meta’

² Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

2 Kɔrèn 4:2 Кръстосани препратки

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 6:21

Ane, chùd ne mbə̀ ya beri àkə iza? Mbə̰ ya anìŋ se bèrè tìnìrètog imbə̀ʼ inug ne mbə̀ yaya fàʼà. Chùd ane inug mbe ya iwu.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

2 Kɔrèn 11:6

Ka chəyi mə̀ taŋ kyèri icheg ni ghàm inga bəd, tesiʼ ya gha, mə kyèri inug. Tì fə taŋ tòʼri inug mbo̰ inən ane ikuchèg ijìm.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 5:11

Tè kyèri aton ni ghumni Anɔŋisəg. Ane, tì we kìrə ika ni ghì gha bəd ndəŋ bə kyèri aton ze. Ŋwiye fə kyeri awa mànì, ane, mə kyèri gha mbə fə bə̀ bḛ anug azo̰ kwàʼ ane fìŋ ìzḛzḛ.

2 Kɔrèn 6:8

Bəd mɔ̀ʼɔ mbe ghùmnə awa, mə̀mbin mbe wèghè awa. Bəd mɔ̀ʼɔ mbe ghà inug tibɔ̀ŋ imbə̀ʼ awa, mə̀mbin mbe ghà inug chɔm imbə̀ʼ awa. Mba ya bəd ne ghàmà tesiʼ, si ya gha, bəd ya nìŋə awa ane bəd ne ghàmà inug ako.

2 Kɔrèn 7:14

Mə ya fə kɔ̀m igo ibo imbə̀ʼ awən. Ze bɔ̀ŋ icheg ne chəyi mbə ghi mə beri tìnìrètog. Inug mbe ne tì gha inən ijìm fə dù ane tesiʼ. Mbə fə bə̀ chwi gha inug mbe ne mə̀ ya kɔ̀mi igo igun abə Tayitùs imbə̀ʼ awən fə bə̀ dù ane tesiʼ.

Efesùs 4:14

Ane, chəyi tì biri ywiri yaʼ icheg bɔn kwa ne bḛ inug ijìm ne bəd inug ako mbe chwìte. Bəd inug ako mbo̰ ya chwìte inug ako tàmba bəd ni ghì gha mbe febe.

Efesùs 5:12

À ya kwàʼ tìnìrètog ni zug inug ne bəd tìzughə̀ mbe ghìyə̀ inə̀mbi.