1 Jɔn 1:3 - Ikan feg

³ Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

Meta’

³ Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 1:3 Кръстосани препратки

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Jn 17:21

Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 19:35

Wə̀d ne ya bàri anug azo̰ fə ghà àzewən ni ghì gha mbə̀ bə bḛ. Məd zìye fə kyeri yi gha, anug ze ne wì ya ghà ya tesiʼ.

Ɨ̀fàʼì 13:32

Ane, tì fə yeʼe tì ikən chɔm inən gha, anug ze ne Ŋwiye ya kàʼi abə ìmba mə̀mbaʼ aneg,

Ɨ̀fàʼì 13:41

‹Mbə̰ mbe ne chàpà Ŋwiye, mbə̰ biri bàd anug ne Ŋwiye biri ghì, yèti, bə̀ kiri ku, imbə̀ʼ icheg ne mə̀ biri ghì anug mɔ̀ʼɔ inga ineg mbe ne mbə̀ yaʼi izɔm, ne wə̀d mɔ̀ʼɔ mə̀ ghà inən, chəyi mbə biri nɔʼ bḛ.›”

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Ɨ̀fàʼì 20:27

À ya ane imbə̀ʼ icheg ne chəyi mə̀ ya to̰ ni mə̀tì inug ijìm mbe ne Ŋwiye kàʼi ni fàʼ inən.

Ɨ̀fàʼì 4:20

Mbə̀ kyeri gha chəyi tì biri ton ni chètì anug ne tì bari bə̀ zug.”

Rm 15:27

Mbɔb ya kɔ̀ŋ ni chɔ̀pì ighi mbe. Tesiʼ ya gha, mbi ya bèrì ni ghì ane imbə̀ʼ icheg ne bəd ne kayi mə̀Ju fə fɔti tì mə̀Ju ni bèrì àbɔrɔ̀bɔd ze ne Azwighi Ŋwiye ze nàʼà. Ane, mbɔb bèrì ni nàʼ ighi mbe ne mbɔb bə bèrì abə mə̀Ju mbe ne bḛ Kristo.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 1:9

Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

1 Kɔrèn 15:1

Ìmbum məfi fɔrɔ ìtum njàbi, anug ne mə̀ kəbi ni wendi inən amad anìŋ ya anug imbə̀ʼ ikən chɔm we ne mə̀ ya gha inən. Mbə̰ ya zug bḛ bə̀ təm kà igun.

2 Kɔrèn 13:14

Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Fìlipì 1:7

Ze kòʼ inum ni ya kɔ̀ndɔ inug mbo̰ anìŋ imbə̀ʼ awən mbə̰ məjìm imbə̀ʼ icheg ne mə̀ kɔ̀ŋ awən ane ìmə fìŋ ijìm. Ŋwiye we ghìyə̀ ìchɔ̀mì ina mba məjìm icheg ne te fàʼà ibo. Məd we bə̀ ghìyə̀ ìchɔ̀mì inum ka ya anyumə̀ ne mə̀ yaʼi inga nəb ndəŋ, kə̀ anyumə̀ ne mə chètè ikən chɔm, tòʼrò inug tesiʼ mbe ne yaʼi inga bə̀ ghìyə̀ bəd bḛ.

Fìlipì 2:1

Ŋwiye we nə̀rə ìtən fìŋ icheg ne mbə̀ yaʼi ane ifɔti tì Kristo. Icheg ne Kristo kɔ̀ŋi awən, a ze ghìyə̀ ìtən fìŋ zùtə̀. Mbə̰ mbe ane ifɔti tì Azwighi Ŋwiye. Mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi. Mbə̰ mbe chwìye àsɔ̀mnəfiŋ igun bəd.

Fìlipì 3:10

Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

Kòlosè 1:13

Məd fə chì awa ikye ibo abə tika afub, si nàʼ ati ina inga anug ìfɔ̀n Ŋwan məd ne wì kɔ̀ŋi.

1 Tèsàlonikà 1:10

Mbɔb mbe mə̀tə̀ icheg ne mbə̰ mbe se ghɔ̀mɔ̀ Ŋwan Ŋwiye we ne biri nɔ̀ʼ ikaŋ àbɔ̀ŋɔ yèʼe. Ŋwan Ŋwiye we ya Yeso we ne Ŋwiye ya ghi wì zwème ane iwu. À ya məd ya chi awa inga ngəʼ ze ne Ŋwiye biri gaŋ, si sɔb isaʼi zì igun bəd inug tibɔ̀ŋ.

1 Timotì 6:2

Imbə̀ʼ ìbòʼì mbe ne beri mə̀mbaʼ àfàʼì ne bḛ Kristo si wèghè awɔb mə̀mbaʼ àfàʼì mbe imbə̀ʼ icheg ne mbɔb tì inɔb ya bəd Kristo. Mbɔb bèrì ni fàʼ inɔb kwàʼ icheg chɔm, chè icheg ne tì mbi fàʼ abə mə̀mbaʼ àfàʼì mbe ne chəyi mbi bḛ Kristo. Mbɔb bèrì ni ghì ane imbə̀ʼ icheg ne bəd mbe ne jə̀ghə chùd ane àzɔb àfàʼì ya bəd ne bḛ Kristo bə̀ yaʼ bəd ne mbɔb taŋ kɔ̀ŋ. Aŋa ya inug ne àghò beri ni taŋ zì atog ni chwiti abə bəd gha mbe ya fàʼà.

Mə̀Hibrù 2:12

Yeso ya ghà abə Ŋwiye gha, “Mə biri ghì ìmbum məfi kyeri ìfàʼì chɔm mbe ne àghò fàʼi. Mə biri bə zəʼ ikyeg, ghùmni awe inga ifeti ìmbe bəd.”

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Pità 1:16

Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

1 Jɔn 1:5

Ikən we ne tì ya zughi imbə̀ʼ Ŋwan Ŋwiye ne te bə̀ ghà inən ya gha: Ŋwiye ya ìzḛzḛ, chəyi inug afub mɔ̀ʼɔ yaʼi inga məd ka.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.