Tito 3:3 - Manobo Western Bukidnon

³ Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

Tito 3:3 Кръстосани препратки

Mateo 21:29

Ne midtavak haazà is anak din te, ‘Es! kenà a egkesuat.’ Asal netegteg̵aad dutun neisip-isip din haazà, ne mibmezaat is gehinawa zin dutun te keberawa zin te amey zin ne zutun midtuman din haazà is ebpeveelan kandin.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Juan 8:34

Ne midtavak si Jesus te, “Utew venar is egkeg̵iyen ku keniyu he is minsan hentei he ebaal te mezaat, uripen iyan sikandin te mezaat he ulaula.

Ruma 11:30

Ne sikiyu zaan is kenà menge Hudiyu, dengan wazè kew mebpemineg te Megbevayà, iyan, guntaan nehizuwan kew zin tenged te kenà guntaan kebpemineg te menge Hudiyu.

Ruma 6:12

Ne tenged kayi, menge suled, kenè te en idtug̵ut he iyan ebayàbayà te menge lawa ta he melemu ebpatey, is mezaat he kebayè dan. Su emun idtug̵ut ta heini, egkepezumdumahan ta is menge mezaat he suat te lawa ta.

Ruma 6:17

Dengan iring te nengeuripen kew te mezaat he kebayà, iyan, guntaan utew zekelà is kebpeselemati ku te Megbevayà su mibpurungan niw te edtuman is tutuu he tuluuwen he impenurù keniyu.

Ruma 6:22

Iyan, guntaan, nevelukasan ki en te Megbevayà, ne nelibri ki en te kebpekeulaula ta te mezaat. Ne tenged kayi menge sulug̵uen ki en te Megbevayà, ne utew zekelà is pulus kayi kenita su ebpeketuman ki en te egkesuatan din, ne iyan rimeg̵as kayi te mid-ulaula te Megbevayà is kegkeveg̵ayi kenita te untung he wazà pidtemanan.

Ruma 6:6

Su netuenan tew he is daan he mesinupaken he kegkeetew tew, ne iring te inransang duma ki Kristu ziyà te krus su wey mebpatey. Ne tenged kayi, egkeawà is layun tew kebpekesalà ne human dutun kenè kiw en egkeuripen te ked-ulaula te mezaat.

2 Kurintu 12:20

Egkesamuk is gehinawa ku su kela ke zutun te kebpekeuma ku ziyan ne iyan ku egkeahà diyan te keniyu is menge ulaula he kenè ku egkesuatan. Ne emun iyan haazà ne zuen ed-ul-ulahan ku zutun he kenè niw zaan egkesuatan su kinahanglan he edsewayen ku is keniyu he ulaula. Su kela ke zuen ebpekigkuntada ziyan te menge zuma zin, kela ke zuen egkesina, duen petuluy egkepauk, wey leg̵ezen, kela ke zuen diyan ebpenemperasà wey edsulà te zuma zin, kela ke zuen bereituk. Kela ke zuen diyan te keniyu gelbuwen, wey kela ke wazè niw kebpekid-uyun te menge tumutuu.

Gelasya 6:3

Ke zuen minsan hentei he kunaan din ke wazà kurang te menge ulaula zin su pudu meupiya, nelimbungan din is gehinawa zin.

Kulusas 1:21

Kenè kew zengan menge emig̵u te Megbevayà, kekenà, menge kuntada kew zin su layun mezaat is menge isip niw wey ulaula niw.

Kulusas 3:7

Ne iring kayi zaan is mid-ulaula niw zengan su zutun layun mezaat is menge ulaula niw.

2 Timoteo 3:13

Iyan, is menge lalung he etew, wey is menge uvag kun tumutuu, ed-iseg mulà ebmezaat is menge ulaula zan. Edtezinen dan is isip te menge etew, iyan, egketazin daan is kandan he isip.

2 Timoteo 3:6

Iyan duma zutun is menge maama he edseled te menge valey wey zan mepenurù wey meveyveyai is menge vahi he wazà menge pulus. Is menge vahi he iring kayi, egkehandek dan tenged te mezakel he neveelan dan he salà, iyan, mezakel zaan is menge mezaat he egkesuatan dan.

Tito 1:16

Duen menge etew he egkeg̵iyen dan he emig̵u sikandan te Megbevayà, iyan, pinaag̵i te menge ulaula zan egketuusan ta he kuntada sikandan te Megbevayà. Utew zin sikandan egkeepesi su kenè dan ebpememineg te tutuu he tuluuwen. Ne tenged dutun kenè dan dait he ibpeulaula zin te minsan hengkey he meupiya.

Tito 2:12

Ne pinaag̵i zutun te g̵ag̵ew egkesavut ta he kinahanglan he meengkezi ta is menge ulaula he kenà igkesuat te Megbevayà wey is kedtumana ta te menge suat te lawa ta zini te kelibutan. Kinahanglan he ed-eg̵enen ta is menge kebayà ta he mezaat. Kinahanglan daan he metazeng wey igkesuat te Megbevayà is menge ulaula ta te zini ki pa ed-ubpà te kelibutan.

Santiago 1:26

Emun iyan isip te etew is hustu is ked-ezapa zin te Megbevayà, iyan, kenè din edtengkaan is kegkag̵ikag̵i zin, wazà pulus te ked-azap din su neterteruan din dà is gehinawa zin.

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 13:14

Ne pinaag̵i te menge egkein-inuwan he intug̵ut kandin he ibpeulaula ziyà te etuvangan dutun te nehuna he langgam, ed-ekalan din is tivuuk he menusiyà dini te kelibutan. Ne zutun edsug̵uen din is menge etew he veeli zan is ledawan dutun te nehuna he langgam ne ezapa zan. Haazà is nehuna he langgam, midtibas duen te sundang, iyan, wazà mebpatey.

Impezayag 18:2

Ne mibpekezag̵ing is egkag̵i te, “Neg̵erè en. Nepurung mezeeti is dekelà he inged he Bebilunya! Ne nehimu en guntaan he ubpeey te menge mezaat he mulin-ulin wey menge mezaat he kedesenan. Egkeubpaan haazà is inged te minsan hengkey he mezaat wey meremerik he tagbis.