Tito 3:13 - Manobo Western Bukidnon

¹³ Himuwa nu is taman te egkehimu nu wey nu metevangi is ebugadu he si Sinas wey si Epulus ke edhipanew zan. Susiya nu sikandan su wey wazà kurang dan.

Tito 3:13 Кръстосани препратки

Mateo 22:35

Ne is sevaha zutun, menunudlù te kesug̵uan. Ne migezaman din dekepa is ketezengan ni Jesus pinaag̵i te menge insà.

Lucas 10:25

Ne zutun duen sevaha he etew he menunudlù te menge kesug̵uan te menge Hudiyu he midhitindeg su egezaman din edekepa is ketezengan ni Jesus pinaag̵i te menge insà, ne ke sikandin te, “He Zatù, hengkey is ed-ul-ulahan ku wey a meveg̵ayi te untung he wazà pidtemanan?”

Lucas 11:45

Ne zutun duen menunudlù te kesug̵uan dutun he migkag̵i ziyà te ki Jesus te, “Datù, heeyan is menge lalag nu, ne nesug̵at key zaan keniyan.”

Lucas 11:52

Mekehizuhizu kew keuzemà sikiyu is menge menunudlù te kesug̵uan su ed-elangan niw is menge etew wey zan kenà metueni is hustu he ibpevayà pehendiyà te Megbevayà. Kenè kew egkesuat he ed-ikul te hustu he ibayà, iyan, ed-eg̵enen niw is etew he egkesuat he ed-ikul zutun!”

Lucas 14:3

Ne si Jesus, mid-insaan din is menge menunudlù te kesug̵uan wey is menge Perisiyu, ke sikandin te, “Sumalà is ibpenurù kenitew te insurat he kesug̵uan, ebpekesalè ki ve ke ebpemawì ki ke Andew te Kedhimeley?”

Lucas 7:30

Iyan, is menge Perisiyu wey is menge menunudlù te kesug̵uan te menge Hudiyu, wazè dan mulà pezumdumahi is egkesuatan te Megbevayà he ibpeulaula kandan ne wazè dan daan mebpebewtismu ki Juan.

Nengeulaula 15:3

Ne hein migenat dan, midtevangan sikandan te menge tumutuu. Ne ziyè dan mekevayà te prubinsya he Pinisya wey prubinsya he Semarya ne impenudtul zan te menge tumutuu zutun he nemeketuu en is mezakel he kenà menge Hudiyu. Mibpenudtul zan he mid-ewaan en te kenà menge Hudiyu is daan he tuluuwen dan wey zan mekesundan te Megbevayà. Ne hein nezineg haazà te menge tumutuu ziyà, nengelipey zan utew.

Nengeulaula 18:24

Ne zutun, diyà te Ipisu zuen nekeuma he Hudiyu he tig-Elihendriya he egngezanan ki Epulus. Metau he edikursu ne metau zaan he edseysey te insurat he Lalag te Megbevayà.

Nengeulaula 19:1

Dutun te kemulu pa si Epulus diyà te Kurintu, diyà si Pablo mebayà te menge inged he zizaya te Ipisu ne midhendiyè en maan te Ipisu. Ne neuma zin dutun is menge sumusundan daan ni Jesus.

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Nengeulaula 28:10

Mezakel is menge vutang he inggasa zan kenami, ne hein mid-untud key en maan te selakew en he barku, ingkarga zan daan dutun te barku is minsan hengkey he egkinehenglanen dey.

Ruma 15:24

egkeisip ku he g̵untaan human e en ebpekehendiyan te keniyu. Egkesuatan ku he mekehendiyà a te Ispanya, iyan, edtuluy a ziyan te keniyu. Ne emun egkeipus haazà is mevavà he kebpekiduma ku keniyu he igkelangan ku, ne egketevangan a keniyu zutun te kedhipanew ku.

1 Kurintu 16:11

Kinahanglan he edtehuzen niw sikandin, ne emun edlaus te hipenawan din ne tevangi niw sikandin, ne ipeehè niw is gag̵ew niw kandin su wey mekelikù sikandin dini te kedì, su ebpeebuten ku sikandin wey is menge zuma zin he menge suled tew te kedtuu.

1 Kurintu 16:12

Ne si Epulus he suled tew zaan tenged te kedtuu, kepipira ku en sikandin keg̵iyi he meupiya ke ebisitahan kew zin duma zuen te menge suled tew he mibisita ziyan. Iyan, egkag̵i sikandin te wazè pa meseled te g̵ehinawa zin is kedhendiyan din. Iyan, edhendiyan sikandin ke wazà ebpekesamuk kandin.