Tito 2:8 - Manobo Western Bukidnon

⁸ Is minsan hengkey he ibpenurù nu, ne kinahanglan he zutun ebpuun te hustu he tuluuwen su wey kenà egkekag̵i he sayep ne zutun wazà igkesudii kenita te menge kuntada ta, kekenà, egkeeled dan.

Tito 2:8 Кръстосани препратки

Marcos 12:17

Ne ke si Jesus te, “Ne emun kandin ne iyan egkesuatan din, iveg̵ey niw ziyà te kandin, ne iveg̵ey niw zaan diyà te Megbevayà is kandin he azen.” Ne utew zan ingkeinuinu haazà is migkag̵i ni Jesus.

Marcos 12:28

Ne zuen dutun sevaha he menunudlù te kesug̵uan he nezineg din is kebpekidlewanè dan ki Jesus ne hein nesavut din he utew tutuu is menge tavak ni Jesus kandan, mid-insà sikandin te, “He Menunudlù, hendei zapit is edhuna zuen te langun he kesug̵uan?”

Marcos 12:32

Ne zutun migkag̵i haazà is menunudlù te kesug̵uan diyà te ki Jesus te, “Tutuu iyan. Nevenaran a keniyan te egkeg̵iyen nu he sebsevaha zà is Megbevayà ne wazè en duma pa he Megbevayà.

Marcos 12:34

Ne nesavut ni Jesus he utew hustu haazà is migkag̵i zutun te menunudlù ne migkag̵i si Jesus te, “Benar heeyan; meseyun ka ebpekepahadì te Megbevayà.” Ne zutun wazè en maan nekeaku pa he egezam ki Jesus pinaag̵i te minsan hengkey he insè.

Lucas 13:17

Ne haazà is tavak ni Jesus, utew ingkeeled te menge kuntada zin. Ne is duma zutun he mezakel he menge etew, utew zan nengelipey te langun he menge egkengein-inuwan he mibeelan din.

2 Tiselunika 3:14

Ke zuen minsan hentei he tumutuu he kenà ebpemineg te menge sug̵ù he insurat dey kayi te surat, kilelaa niw ne kenè kew mebpekiduma kandin su wey meeled sikandin,

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

1 Timoteo 6:3

Ke zuen ebpenurù te selakew he tuluuwen ne kenè din edewaten is hustu he kebpenurù te Nengazen tew he si Kristu wey is tuluuwen mehitenged te kedtumana tew te egkesuatan te Megbevayà,

Tito 3:14

Ipenurù nu ziyà te menge zuma nu he tumutuu ziyan he kinahanglan he iyan dekelà diyà te g̵ehinawa zan is ked-ulaula zan te meupiya wey zan metevangi is menge edlised. Kenà meupiya ke zuen tumutuu he peg̵ulen su wazà pulus dutun.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 2:15

Umba edhengyuen ku heini su egkesuatan te Megbevayà he is menge mepedeligen he wazà mekesavut te hustu, meehè dan is menge metazeng he ulaula tew. Ne pinaag̵i kayi ebpekeengked dan is edsudì kenitew.

1 Pedro 3:16

Mebmetinehuzen kew is edtavak wey menayù is kegkag̵i niw. Kinahanglan he wazà salà he netag̵ù diyà te g̵ehinawa niw te menge sumusundan ni Kristu su emun wazà ulaula niw he mezaat egkeeled is edsudì keniyu tenged te egkeg̵iyen dan.