Tito 2:5 - Manobo Western Bukidnon

⁵ ne wey zan daan ikepenurù kandan is ked-isip te hustu, is kedlikayi te meremerik he ulaula, wey is kebpurungi zan te menge vaal zan. Kinahanglan he ebpemineg̵en dan is sug̵ù te esawa zan. Ne emun iring dutun is menge ulaula te menge vahi wazà minsan hentei he ebpekekag̵i he mezaat is ibpenurù ta zutun te Lalag te Megbevayà.

Tito 2:5 Кръстосани препратки

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Nengeulaula 9:39

Ne migenat si Pedro is eduma kandan. Ne hein nekeuma si Pedro miduma zan diyà te rug̵u he ziyà te zivavew. Ne zuen dutun menge valu he vahi ne midlingutan dan si Pedro te ebpemenineg̵ew. Ne impeehè dan kandin is menge kumbalà wey zuma pa he ugelingen he mibpenahì ni Durkas hein uuyag pa.

Ruma 14:16

Ne ke zuen ulaula he egkeisip te zuma he tumutuu he indawey te Megbevayà, iyan, netuenan niw he wazà izawey te Megbevayà haazà is ulaula, kenè niw ul-ulaha su wey kenà ebpekekag̵i is minsan hentei he mezaat is mid-ulaula niw.

Ruma 2:24

Ne mehitenged kayi, duen impesurat dengan te Megbevayà he edhenduen te, “Tenged keniyu te menge Hudiyu, is menge etew he kenà Hudiyu, edsumpeliten dan is Megbevayà.” Iyan haazà impesurat dengan.

1 Kurintu 11:3

Ne zuen ku pa ibpesavut keniyu. Iyan is: iyan ebayàbayà te maama si Kristu. Ne is maama, ebeyveyaan din is esawa zin ne iyan ebayàbayà ki Kristu is Megbevayà.

1 Kurintu 14:34

Ne zuen pa idtelaan ku keniyu he iyan daan ed-ul-ulahan te menge tumutuu ziyà te minsan hendei he inged. Iyan is: kenè niw itug̵ut he zuen bahi he ebpenurù ke edtig̵um kew te kedsimba. Mebpeninimè dan dà. Su impenurù daan te kesug̵uan te menge Hudiyu he kenà mebayàbayà is menge vahi.

Ipisu 5:33

Iyan, kenà duen dà taman su egkehimu zaan he elin egkeg̵iyen din is teleesawa. Kinahanglan he mahala te maama is esawa zin ne kinahanglan daan he tehuza te vahi is kandin he esawa.

Kulusas 3:18

Sikiyu is menge vahi, pevayàbayà kew te esawa niw su iyan heini hustu he ulaula te vahi he tumutuu te Nengazen.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

1 Timoteo 6:1

Is menge sulug̵uen he tumutuu, kinahanglan he isipa zan is menge egalen dan he zait he edtehuzen dan te minsan keenu he timpu. Su pinaag̵i kayi wazà ebpekezezaat te zengeg te Megbevayà wey wazà ebpekesudì te kebpenurù dey.

Tito 2:4

su wey zan ikepenurù diyà te menge menguhed he vahi is kebmahala zan te menge esawa zan wey menge anak dan,