Tito 2:3 - Manobo Western Bukidnon

³ Ne iring ded daan dutun is penurù nu ziyà te menge meg̵urang en he vahi. Kinahanglan he layun igkesuat te Megbevayà is menge ulaula zan. Kenà sikandan pereituk, kenà sikandan pereinum te vinu. Kinahanglan he layun dan ipenurù is meupiya he ulaula

Tito 2:3 Кръстосани препратки

Ruma 1:29

Iyan dà egkeisip dan is kelelalung wey is mezaat he ulaula. Leg̵ezen dan ne meremerik is ulaula zan. Egkesina sikandan; ebpemumunù dan; ebpeeg-eg̵etè dan; edtarùtarù dan; ne ebpesipelahan dan is menge zuma zan. Ed-ituk dan,

Ruma 16:2

Gelg̵elawa niw sikandin tenged te kedtuu zin te Nengazen tew su iyan heini ulaula he zait te menge tumutuu. Ne ke zuen menge keel-elangan din, ne tevangi niw sikandin su utew mezakel is midtevangan din daan he menge tumutuu ne midtevangan e zin daan.

Ipisu 5:3

Ne g̵eina te menge sakup kew te Megbevayà kinahanglan he kenè niw ul-ulaha is keleleg̵ed wey is minsan hengkey he ulaula he meremerik. Kenè niw hileveti is kenè niw esawa. Minsan is ked-isipa wey kegkeg̵iya kayi ne kenè niw ul-ulaha.

1 Timoteo 3:11

Iring din ded daan is bahi he esawa te diyekunu su kinahanglan he telehuzen sikandin. Kenà menge vereituk, kekenà, egketengkaan is ked-isipa zin te langun wey egkengeserig̵an te minsan hengkey he meupiya he ulaula.

1 Timoteo 3:8

Ne iring din ded daan is menge diyekunu, he ke và dà egkeg̵iya, menge edtavang te menge tumutuu; kinahanglan he meupiya is menge ulaula zan. Kinahanglan he telehuzen sikandan; metinumanen sikandan te menge lalag dan. Kenè dan lelenguten, ne kenè dan mebmanggad pinaag̵i te limbung.

1 Timoteo 5:23

Ne elin daan sambag ku kenikew is: kenè nu iyan dà inuma is wahig, kekenà, inum ka zaan te zeisey he vinu su wey mevewii is getek nu wey is mezakel he zaru nu.

Tito 1:7

Ne g̵eina te insarig kandin te Megbevayà is kedumala te menge tumutuu, kinahanglan he wazà supak din. Kenà sikandin mebmandarmandar zà; kenà sikandin eengeren. Kinahanglan he kenà sikandin lelenguten, kenà sikandin ebpemeg̵espeg̵es ne kenà iyan dekelà diyà te g̵ehinawa zin is selapì.

Tito 2:4

su wey zan ikepenurù diyà te menge menguhed he vahi is kebmahala zan te menge esawa zan wey menge anak dan,

Hibriyuhanen 5:12

Neug̵et en is kebpeketuu niw ki Jesus, ne engayan kew en pezem he menge menunudlù, iyan, kenà egkehimu su kinahanglan he ebpekepepenurù kew pa ebpekepeuman wey niw mesavut is menge melemu zà he tuluuwen he ebpuun te Lalag te Megbevayà. Henduen te kemulu kew pa edsusu su kenè niw pa egkelutang te egkaan is mezesen he egkeenen, he ke và dà egkeg̵iya, is menge mezalem he ebpuun te insurat he Lalag te Megbevayà.

Impezayag 2:20

Ne minsan pa zutun, duen ulaula niw he kenè ku egkesuatan su sikan is bahi he si Hisibil he egkeg̵iyen din he ebpeneuven sikandin te Megbevayà, idtug̵ut niw he ibpenurù din is mezaat he ulaula ziyà te menge sulug̵uen ku. Egkag̵i sikandin he kenà supak te Megbevayà is kedhilavet te kenè niw esawa wey is kegkaan te impemuhat diyà te menge kenà tutuu he megbevayà.