Tito 2:15 - Manobo Western Bukidnon

¹⁵ Ne heini is langun he migkag̵i ku, ipenurù nu ziyà te menge etew ziyan. Gemita nu is keg̵ehem nu te kebayàbayà kandan. Sembag̵i nu wey dewaya nu sikandan. Kinahanglan he kenè ka lulupig̵an te minsan hentei.

Tito 2:15 Кръстосани препратки

Mateo 7:29

su is kebpenurù din, kenà iring te kebpenurù te menge menunudlù te kesug̵uan su zuen gehem mulà te penurù din.

Marcos 1:22

Ne haazà is menge etew, hein nezineg dan is kebpenurù din, utew zan nengeinuinu su is kebpenurù din, ne kenà iring te kebpenurù te menge menunudlù te kesug̵uan te menge Hudiyu su zekelà mulà is gehem ni Jesus te kebpenurù.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Lucas 4:36

Ne utew nengeinuinu is langun he menge etew zutun ne neked-iinseey zan is egkag̵i te, “Hendei ebpuun heini is gehem ni Jesus te kebayàbayà? Su utew mekeg̵eg̵ehem is kedsug̵ua zin te menge mezaat he mulin-ulin he med-awè dan ne ebpemineg dan kandin!”

1 Kurintu 16:11

Kinahanglan he edtehuzen niw sikandin, ne emun edlaus te hipenawan din ne tevangi niw sikandin, ne ipeehè niw is gag̵ew niw kandin su wey mekelikù sikandin dini te kedì, su ebpeebuten ku sikandin wey is menge zuma zin he menge suled tew te kedtuu.

1 Timoteo 5:20

Is ebmeg̵urangen he layun ebpekesalà, sewaya nu ziyà te etuvangan te menge tumutuu su wey mahandek is menge zuma he ebmeg̵urangen.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.

Tito 1:13

Ne utew venar is migkag̵i zin. Tenged dutun kinahanglan he pekezeseni nu sikandan te edawey wey mehustu is kedtuu zan

1 Pedro 4:11

Sikita is edwali, kinahanglan he is kedwali ta, ne utew hustu he iring te iyan en edwali is Megbevayà. Sikita is edtavang, ne kinahanglan he kenè ta edlipatan he is idtavang ta, ne ziyà ebpuun te Megbevayà su wey pinaag̵i te g̵ehem ni Jesu Kristu iyan mevantug is Megbevayà te minsan keenu su iyan dait he edelig̵en wey zait he ebayàbayà te wazà pidtemanan.