Tito 1:9 - Manobo Western Bukidnon

⁹ Kinahanglan he zutun te kebpenurù din, kenè din suwayi is tutuu he tuluuwen he iyan impenurù ta. Su emun iyan ibpenurù din is tutuu he tuluuwen, egkeheg̵et is kedtuu te ebpememineg kandin ne igkepesavut din he utew nengesayep is edsumpalit te penurù din.

Tito 1:9 Кръстосани препратки

Nengeulaula 18:28

Su utew mezesen is menge ketezengan din dutun te insurat he Lalag te Megbevayà he iyan si Jesus sikan is mibpilì te Megbevayà he ibpahadì. Ne pinaag̵i zutun, diyà te etuvangan te mezakel he menge etew, nezaag din is menge Hudiyu he mibpekidibati kandin.

1 Kurintu 14:24

Iyan, ke iyan ed-ul-ulahan te langun is: edseysayen dan is ibpesavut kandan dutun te Lalag te Megbevayà, ne haazà is bisita, pinaag̵i zutun te nezineg din, egkesavut din ke hengkey is ked-isipa te Megbevayà dutun te mezaat he menge isip din, ne egketuenan din he mekesesalè bes sikandin ne ebpekedsendit. Ne zutun ed-ezapen din is Megbevayà ne ke sikandin diyà te keniyu te, “Tutuu ves iyan he ed-ulinan kew te g̵ehem te Megbevayà!”

1 Tiselunika 5:21

kekenà, gezami niw is langun ne tipig̵i niw is meupiya.

2 Tiselunika 2:15

Ne tenged kayi, menge suled, pekezesen kew te kedtuu niw, ne hemeni niw is langun he impenurù dey keniyu pinaag̵i te kedwali zey hein diyan key wey pinaag̵i zaan te kebpesurati zey keniyu.

1 Timoteo 1:10

menge egkevut te kenè dan esawa, menge maama he egkeerig̵an te iring dan he maama, menge menggeg̵ebpà, menge teruen, menge ebpen-ulug te kewsa wey is minsan hentei he ebpekesupak is ulaula zin te hustu he tuluuwen.

1 Timoteo 1:15

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.

1 Timoteo 1:19

Iyan gumaan nu is kedtuu nu te tutuu he tuluuwen wey is kedtumana nu te langun he netuenan nu he hustu. Duen menge etew he wazè dan tumana is netuenan dan he hustu ne tenged kayi nezeetan en is kedtuu zan te Megbevayà.

1 Timoteo 4:9

Erubasa heini he utew tutuu ne kinahanglan he tuuwi te langun.

1 Timoteo 6:3

Ke zuen ebpenurù te selakew he tuluuwen ne kenè din edewaten is hustu he kebpenurù te Nengazen tew he si Kristu wey is tuluuwen mehitenged te kedtumana tew te egkesuatan te Megbevayà,

2 Timoteo 1:13

Is tutuu he tuluuwen he impenurù ku kenikew, kinahanglan he iyan layun edsunuzen nu. Hemeni nu is kedtuu nu te Megbevayà wey is kebmahala nu te menge zuma nu su iyan heini tuus te kebpekidsevaha ta ki Jesu Kristu.

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

2 Timoteo 2:25

Emun menayù is kebpenurua zin te menge kuntada zin, kela ke mahalin te Megbevayà is gehinawa zan wey zan mesavut is tutuu he tuluuwen.

2 Timoteo 3:14

Ne sikew mulà, hemeni nu is tuluuwen he impenurù kenikew he netuenan nu he tutuu. Netuenan nu ke hentei is nemekepenurù kenikew

2 Timoteo 4:3

Umba idtelaan ku heini kenikew su egkeuma keuzemà is timpu he kenà edewaten te menge etew is tutuu he tuluuwen, kekenà, iyan dan edsunuzen is menge mezaat he kebayè dan. Ebpemepenurù dan te mezakel he menge menenudlù. Ne iyan ibpenurù kayi is tuluuwen he utew zan egkesuati te ebpemineg.

Tito 1:11

Kinahanglan he ibpeengkezan nu kandan is kebpenurù dan su ke zuen sevaha he egketazin is isip din pinaag̵i te kedtuuwi zin kayi he penurù egkesemukan is kebpekid-upakat din te menge zuma zin dutun te pemilya zin. Iyan dà ibpenurua zan dutun te kenà hustu he ibpenurù is wey zan mekepenapì.

Tito 2:1

Ne sikew mulà, kinahanglan he kenà ebpekesuwey is ibpenurù nu zuen te tutuu he tuluuwen.

Hudas 1:3

Minahal ku he menge suled, minsan pa te iyan aney he egkesuatan ku is ebaal a te surat he ibpeuwit ku ziyan wey ku ikeseysey ziyan te keniyu is kedlibriya kenitew te Megbevayà, iyan, utew en guntaan epiki he ebpesuratan ku sikiyu wey ku sikiyu mesembag̵i. Kinahanglan, menge suled, he pekezesen kew sukul te menge etew he edhelinen dan pezem is tutuu he tuluuwen he imbeg̵ey te Megbevayà. Haazà is tuluuwen, imbeg̵ey zin kenitew te menge g̵aked din ne kinahanglan he kenè en ed-umanan te minsan hentei.

Impezayag 2:25

Iyan dà is: hemeni niw is netuenan niw en taman te ebpekeuma a.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Impezayag 3:3

Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.