Tito 1:11 - Manobo Western Bukidnon

¹¹ Kinahanglan he ibpeengkezan nu kandan is kebpenurù dan su ke zuen sevaha he egketazin is isip din pinaag̵i te kedtuuwi zin kayi he penurù egkesemukan is kebpekid-upakat din te menge zuma zin dutun te pemilya zin. Iyan dà ibpenurua zan dutun te kenà hustu he ibpenurù is wey zan mekepenapì.

Tito 1:11 Кръстосани препратки

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Lucas 20:40

Umba nekag̵i zan heini su kenè dan en ebpekesukul pa maan he ed-insà ki Jesus.

Juan 10:12

Is etew he sinuhulan dà, kenà tutuu he ed-elima su kenà kandin is menge kerehidu. Ne emun egkeehè din is ebpekeuma he leew he asu he egngezanan te lubu, ed-ewaan din haazà is menge kerehidu ne ebpelag̵uy. Ne ebengaan dutun te lubu is sevaha he kerehidu ne is duma, ne ebpekedsusuwey.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

2 Kurintu 11:10

Ne heini is idantal ku, kenà egkehimu he egkehalin te minsan keenu he timpu su kenà a edawat te selapì te minsan hentei he ziyan te tivuuk he prubinsya he Gerisya. Tutuu heini iring te netuenan ku he tutuu is impesavut ni Kristu.

1 Timoteo 5:13

Ne kenà duen dà taman su melemu zan ebpetetapul ne layun dan ebpenumbaley ziyà te menge valey, ne kenà iyan dà haazà su egkehimu zan daan he vereituk, ne ebpekekevut dan te wazè dan kelavet duen ne ebenteenan dan is kenà meupiya he ebenteenan.

1 Timoteo 5:4

Ke zuen balu he vahi he zuen din menge anak wey menge apù, ipenurù nu kandan ke hengkey is ed-ul-ulahan dan wey zan metahud is ginikanan dan wey zan meverasi. Iyan heini egkesuatan te Megbevayà.

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.

2 Timoteo 2:18

Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

2 Timoteo 3:6

Iyan duma zutun is menge maama he edseled te menge valey wey zan mepenurù wey meveyveyai is menge vahi he wazà menge pulus. Is menge vahi he iring kayi, egkehandek dan tenged te mezakel he neveelan dan he salà, iyan, mezakel zaan is menge mezaat he egkesuatan dan.

Tito 1:7

Ne g̵eina te insarig kandin te Megbevayà is kedumala te menge tumutuu, kinahanglan he wazà supak din. Kenà sikandin mebmandarmandar zà; kenà sikandin eengeren. Kinahanglan he kenà sikandin lelenguten, kenà sikandin ebpemeg̵espeg̵es ne kenà iyan dekelà diyà te g̵ehinawa zin is selapì.

Tito 1:9

Kinahanglan he zutun te kebpenurù din, kenè din suwayi is tutuu he tuluuwen he iyan impenurù ta. Su emun iyan ibpenurù din is tutuu he tuluuwen, egkeheg̵et is kedtuu te ebpememineg kandin ne igkepesavut din he utew nengesayep is edsumpalit te penurù din.

Tito 3:10

Ke zuen duma niw he edsemuken din is upakat te menge tumutuu, dewaya nu, ne emun kenà ebpemineg, umani nu zewaya. Ne emun kenè pa zutun ebpemineg engkezi nu sikandin.