Santiago 5:9 - Manobo Western Bukidnon

⁹ Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.

Santiago 5:9 Кръстосани препратки

Mateo 24:33

Iring din ded daan, emun egkeehè niw he egkengetuman en is langun kayi te migkag̵i ku, egketuenan niw he meg̵aan a ebpekelikù.

Marcos 13:29

Ne iring din ded daan, emun egkeehè niw he egkengetuman en is langun kayi te migkag̵i ku, egketuenan niw he meg̵aan a ebpekelikù.

Marcos 6:19

Ne si Hirudyas, nepeukan din si Juan, ne ebpehimetayan din pezem, iyan, wazà itug̵ut ni Hadì Hirudis.

1 Kurintu 10:11

Umba neulaula heini is langun su wey metueni te langun he kenà iyan haazà ulaula he egkesuatan te Megbevayà. Ne insurat daan heini su wey ikepenurù kenitew he edsilutan te Megbevayà is ed-ulaula te iring kayi. Su sikitew, meg̵aan tew en egkeumahi is kegketuman te langun he nengetagnà dengan.

1 Kurintu 4:5

Umba, kenè kiw edsawey te menge zuma tew, kekenà, edteg̵azan tew is kedlikù te Nengazen tew he si Jesus. Ibpeg̵awag̵awa zin dutun is nekeeles he menge vaal te menge etew g̵untaan, ne ibpetuenan din is wazè pa metueni he menge ed-isipen te menge etew. Ne zutun egketuenan te kada sevaha he etew ke zuen igkezelig̵i kandin te Megbevayà wey ke wazà.

2 Kurintu 9:7

Kinahanglan he ed-isipen te kada sevaha ke hengkey is egkesuatan din he ibeg̵ey ne iyan ibeg̵ey zin. Kenè ta ibeg̵ey is kenè ta egkesuatan he ibeg̵ey, ne kenè ta zaan ibeg̵ey emun egkeisip ta he integ̵el kenita is kebeg̵aya ta, su emun ebeg̵ey ki, kinahanglan he ebpuun te keputian te atey ta is kebeg̵aya ta zutun ne iyan haazà utew egkesuatan te Megbevayà.

Gelasya 5:14

Is tivuuk he kesug̵uan he imbilinbilin ni Moises, ne egkepurung egketuman pinaag̵i te sevaha zà he sug̵ù he iyan heini: “Kinahanglan he purungi nu is duma nu. Isipa nu sikandin he iring te kenikew en he g̵ehinawa.”

Gelasya 5:26

Kinahanglan he kenè ki ebpelavew, kenè ki zaan ebpekidtebek te menge zuma he etew, kenè ki zaan egkesina te zuma ta.

Santiago 4:11

Menge suled, kenè kew mebpesudsudiey wey mebpesewsewayà su is edsudì wey edsawey te zuma zin he tumutuu, ne iring te edsudien din wey edsewayen din is lavew he sug̵ù. Ne emun edsewayen ta haazà is sug̵ù, kenè ta edtumanen, kekenà, edsumpeliten ta.

Santiago 4:12

Sebsevaha zà is ebpuunan te kesug̵uan he iyan is Megbevayà ne sebsevaha zà daan is duen din keg̵ehem te kedhukum te menge ulaula te menusiyà ne iyan ded daan is Megbevayà. Iyan sikandin edsilut ne iyan daan ebpekelibri te silut. Iyan, sikita mulà, wazè ta keg̵ehem te kedhukum te minsan hentei.

Santiago 5:10

Menge suled, ed-iringan ta is kebmeinentusen te menge ebpeneuven dengan te Megbevayà su zutun te kebpesevuta zan te Lalag te Nengazen nekeantus dan te kemeresayan.

Santiago 5:7

Ne sikiyu is menge zuma ku he tumutuu, kinahanglan he meinentusen kew taman te kedlikù te Nengazen. Su is ebasuk, ebpekeantus te kedtag̵ad din taman te edsebpet en is impemula zin diyà te tanè din. Edteg̵azan din is uzan he ebpetuvù te pinemula zin wey is ebpeketesan te pinemula zin.

1 Pedro 4:5

Keuzemà ke ziyà sikandan ibpeetuvang te Megbevayà ed-insaan din sikandan ke maan is mid-ulaula zan te mezaat. Andam en sikandin te kedsusi te nengeulaula te nemematey en wey te menge uuyag pa.

1 Pedro 4:9

Kinahanglan he utew kew metulanged is ebpepemenahik te menge humehulevungà diyan te valey niw.

Impezayag 3:20

Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.