Santiago 5:4 - Manobo Western Bukidnon

⁴ Is selapì he wazè niw isuhul te edterebahu ziyà te menge tanè niw, ne iyan idsumbunga zan keniyu ziyà te Megbevayà. Is sumbung keniyu te nemenlegtey ziyà te menge luti niw, nezineg en te utew mekeg̵eg̵ehem he Nengazen.

Santiago 5:4 Кръстосани препратки

Mateo 9:37

Ne migkag̵i si Jesus diyà te menge sumusundan din te, “Mezakel pezem is edawat te Meupiya he Tudtulanen. Iring sikandan te kamet he nelutuan en. Meluag heini is kamet, iyan, deisey kiw zà is ebpemenlegtey.

Lucas 18:7

Su emun nehimu he midtevangan din haazà is bahi, iyan pe be kenà tevangi te Megbevayà sikiyu is menge nengepilì din he etew he ebpenigudu ed-ampù diyà te kandin te mezukilem wey maandew.

Ruma 9:29

Ne iring heini te zaan he netagnà he migkag̵i ni Esaias he edhenduen te, “Angin ke wazè kiw is menge Hudiyu mehizuwi te mekeg̵eg̵ehem he Megbevayà su wazà minsan deisey zà he egkesamà kenitew su midlimas kiw zin en pezem iring te menge meg̵inged dutun te menge inged he Suduma wey Gumura.”

Kulusas 4:1

Ne sikiyu zaan is duen din uripen, purungi niw is kedumala niw te menge uripen niw ne iveg̵ey niw kandan is metazeng wey hustu he ibeg̵ey ne kenè niw lipati he zuen daan teg̵iuripen keniyu ziyà te langit.