Santiago 4:7 - Manobo Western Bukidnon

⁷ Ne tenged dutun, pesakup kew te Megbevayà. Sukuli niw si Setanas ne ebpelag̵uy keniyu.

Santiago 4:7 Кръстосани препратки

Mateo 11:29

Beeli niw is idsug̵ù ku keniyu ne pepenurù kew kedì ne ebpekehimeley kew su kenà a eengeren ne kenà a ebpenlupig te minsan hentei.

Nengeulaula 26:19

Na, Hadì Egripa, midtuman ku is impeehè kedì he ebpuun te langit.

Nengeulaula 9:6

Enew ka ne laus ka ziyà te inged ne zuen dutun etew he ebpenurù kenikew te ebpeveelan ku kenikew.”

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 14:11

Su zuen insurat he Lalag te Megbevayà, ne zutun migkag̵i is Nengazen te, “Iyan a wazè din kemetayen he Megbevayà ne tenged kayi tutuu iyan he edluhuzan a te tivuuk he menusiyà, ne ebpekeazap kediey is langun.”

Ipisu 4:27

Kenè niw itug̵ut he pinaag̵i te pauk niw, ne mevintahai kew ni Setanas.

Ipisu 5:21

Mebpetetehuzè kew te kada sevaha tenged te kedtahud niw ki Kristu.

Ipisu 6:13

Umba, menge suled, gemita niw en is menge himan te kebpekidtebek he imbeg̵ey te Megbevayà. Su zutun emun egkeuma haazà is timpu he zutun utew mereg̵en is kedtebeka te menge mezaat, ne egkesukulan niw is menge kuntada niw ne emun egketapus en haazà is tebek ne wazè kew meewai te zesen.

Hibriyuhanen 12:9

Su minsan is amey ta zini te kelibutan, emun ebmensuwen ki zin ne ebpekepevayàbayè ki g̵ihapun kandin, wey pe be kenà mehimu he ebpekepevayàbayè ki zaan te Amey ta ziyà te langit? Su pinaag̵i kayi egkeangken ta is untung he wazè din pidtemanan.

1 Pedro 2:13

Kinahanglan he edtumanen niw is midtukud he velaud diyan te inged niw su iyan heini egkesuatan te Nengazen. Ebpesakup ki te lavew he hadì su iyan sikandin ebayàbayà te langun.

1 Pedro 5:6

Ne tenged dutun kinahanglan he kenè kew mepelevawen, kekenà, pevayàbayè kew te Megbevayà he mekeg̵eg̵ehem ne edhimuwen kew zin he utew lavew keuzemà te hustu he timpu.