Santiago 4:3 - Manobo Western Bukidnon

³ Ne minsan ke ebuyuen niw ziyà te kandin, kenè din ibeg̵ey su mezaat is tuyù niw te kebuyua niw kayi. Iyan ketezengan te kebuyù niw is wey niw metuman is mezaat he kebayè niw.

Santiago 4:3 Кръстосани препратки

Mateo 20:22

Ne migkeg̵iyan ni Jesus haazà is dezuwa te, “Wazè niw mesavut ke hengkey is edhengyuen niw. Egkeantus niw ve is merasey he ibpaantus kedì?” Ne midtavak dan is dezuwa te, “Uya, egkeantus dey.”

Marcos 10:38

Ne midtavak si Jesus te, “Wazè niw mesavut ke hengkey is edhengyuen niw. Egkeantus niw ve is merasey he ibpaantus kedì? Ne egketigker niw ve is kemereg̵enan he ibpetigker kediey?”

Lucas 11:10

Su is langun he ebuyù diyà te Megbevayà, ebpekezawat; ne sikan is ebpen-ahà, ebpeketuredu; ne sikan is ebpenelehuzan, ebpuwasan daan te Megbevayà.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Lucas 15:30

Iyan, heini is anak nu he nekelaga te menge azen nu tenged te kebpengumpadi zin te menge vahi, ne iyan nu mulà midlepaan te impelambù nu he nati!’

Santiago 4:1

Hengkey is puunà te menge kesevaan wey tebek diyan te keniyu? Iyan is menge mezaat he kebayè niw he ebpekigkuntada te meupiya he ulaula.

1 Juan 3:22

Ibeg̵ey zin kenita is ebuyuen ta su edtumanen ta is menge sug̵ù din wey ed-ul-ulahan ta is egkesuatan din.

1 Juan 5:14

Sikitew is nemeketuu, dekelà is kebpekesarig tew ke ed-ampù kiw ziyà te Megbevayà. Netuenan tew he ke zuen minsan hengkey he ebuyuen tew he kenà supak te egkesuatan din, ibeg̵ey zin kenitew.