Santiago 3:9 - Manobo Western Bukidnon

⁹ Egemiten ta is dilè ta emun ebpeselematan ta is Amey tew he Nengazen, ne nasì ta zaan egemita ke ebpenrewakan ta is menge zuma ta he midlimbag te Megbevayà he iring te zagwey zin.

Santiago 3:9 Кръстосани препратки

Mateo 26:74

Ne zutun mid-amin-amin si Pedro te sapà, ke sikandin te, “Siluti a te Megbevayà ke tarù heini is lalag ku he kenè ku egkekilala heeyan he etew.” Ne zutundutun, mid-ukarà is manuk.

Mateo 5:44

Ne iyan mulà kediey he penurù is: ebpurungan ta is menge kuntada ta wey ebpenubtuvazan ta te meupiya is ebpesipala kenita.

Nengeulaula 2:26

Tenged kayi ne utew meupiya is gehinawa ku ne melipayen is kegkag̵i ku. He Nengazen, idsarig ku kenikew is lawa ku

Ruma 3:14

Utew mesakit is kebpenrawak dan.

1 Kurintu 11:7

Is maama mulà, ne kenà kinahanglan he egkekalù ke ed-ampù su alung sikandin te zagwey wey g̵ehem te Megbevayà. Ne is bahi, alung sikandin te zagwey te maama.

Ipisu 1:3

Dekelà utew is kebpeselemati tew te Megbevayà he Amey te Nengazen tew he si Jesu Kristu su tenged te kebpekidsevaha tew ki Kristu, intuvad din kenitew ziyà te langit is minsan hengkey he meupiya pinaag̵i te ked-ulini kenitew te Wag̵as he Mulin-ulin.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.

Santiago 3:10

Utew heini igkeinuinu su sebsevaha zà is puunà te kedrawak wey kebpeselamat! Menge suled, kenà heini meupiya.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.