Santiago 3:2 - Manobo Western Bukidnon

² Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat.

Santiago 3:2 Кръстосани препратки

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 12:37

Su pinaag̵i te menge lalag he nenggawas diyà te vèbè niw ne zutun egkeahà keuzemà ke egkesilutan kew ve wey ke kenà.”

Ruma 3:10

Su zuen insurat he Lalag te Megbevayà he edhenduen te, “Wazà minsan sevaha he etew he ed-isipen te Megbevayà he metazeng.

Ruma 7:21

Ne layun iring kayi is egkehitavù dini te kedì, ne emun ed-ulaula a pezem te meupiya, egkeeg̵en a te mezaat he kebayà he zini te lawa ku.

1 Kurintu 9:27

Ne heini is lawa ku, ke zuen mezaat he suat din, ne edhimuwen ku is taman te egkehimu ku su wey ku meeg̵en su kela ke, siak is nekepenurù te zuma, ne iyan a kenà egkesuhulan keuzemà te Megbevayà.

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 5:17

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Kulusas 1:28

Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

Kulusas 4:12

Ebpengemusta zaan keniyu si Ipapras. Duma niw zaan he tigKulusas he sulug̵uen ni Jesu Kristu. Layun kew zin id-ampù. Ed-ampù sikandin diyà te Megbevayà he mebmelig-en wey meheg̵et is kedtuu niw ne wey meheg̵et daan is kedtumana niw te egkesuatan te Megbevayà.

Hibriyuhanen 13:21

Berakat he pinaag̵i ki Jesu Kristu, is Megbevayà he ebeg̵ey te kelinew, beg̵ayi kew zin te minsan hengkey he tavang wey niw tumana is egkesuatan din. Berakat daan he himuwa kiw zin he menge etew he utew zin egkesuati is menge ulaula. Edelig̵en tew si Jesu Kristu te wazà pidtemanan.

Santiago 1:26

Emun iyan isip te etew is hustu is ked-ezapa zin te Megbevayà, iyan, kenè din edtengkaan is kegkag̵ikag̵i zin, wazà pulus te ked-azap din su neterteruan din dà is gehinawa zin.

Santiago 1:4

Ne utew zaan kinahanglan he kenà mehugkà is kebpurung niw ked-antus su emun ebpurung ki ed-antus te merasey egkehimu ki he metau wey wazà igkesewayi kenita wey wazà kurang te kedtuu ta te Megbevayà.

Santiago 2:10

Su minsan ke sevaha zà duen te menge sug̵ù te kesug̵uan is egkesupak te etew, ed-isipen gihapun te Megbevayà he mesinupaken sikandin he iring te nesupak din is langun he menge sug̵ù.

1 Pedro 3:10

Duen insurat he Lalag te Megbevayà he edhenduen te, “Sikan is egkesuat he meupiya is ked-ubpè din dini te kelibutan wey layun melipey, kinahanglan he kenà mezaat is kebpemèbè din ne kenà edtarùtarù.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.