Santiago 2:8 - Manobo Western Bukidnon

⁸ Utew meupiya is ed-ul-ulahan niw emun edtumanen niw is lavew he sug̵ù te Nengazen he egkevasa niw ziyà te insurat he lalag din he edhenduen te, “Kinahanglan he mahala nu is duma nu; isipa nu sikandin he iring te kenikew en he g̵ehinawa.”

Santiago 2:8 Кръстосани препратки

Mateo 22:39

Ne iring din ded daan is ikezuwa he iyan heini: ‘Kinahanglan he mahala nu is duma nu; isipa nu sikandin he iring te kenikew en he g̵ehinawa.’

Mateo 25:21

Ne migkag̵i haazà is egalen din te, ‘Utew meupiya is baal nu! Metinumanen ka he sulug̵uen! Ne g̵eina te egkeserig̵an ka te zeisey he selapì idsarig ku kenikew is dekelà. Seled ka zini wey ka mekeambit te kelipey ku.’

Mateo 25:23

Ne migkag̵i haazà is egalen din te, ‘Utew meupiya is baal nu! Metinumanen ka he sulug̵uen! Geina te egkeserig̵an ka te zeisey he selapì, idsarig ku kenikew is dekelà. Seled ka zini wey ka medlipey te kelipey ku.’

Mateo 7:12

Is egkesuatan niw he ed-ul-ulahan te menge zuma niw ziyà te keniyu, iyan niw zaan ul-ulaha ziyà te kandan. Iyan heini hustu he kedtumana te kesug̵uan he imbilinbilin ni Moises. Iyan daan heini kes impenurù dengan te menge ebpeneuven te Megbevayà.

Ruma 13:10

Su emun ebmahalen ta is duma ta ne kenà egkehimu he ebpesipelahan ta sikandin, ne netuman te en heini is tivuuk he kesug̵uan.

Gelasya 5:14

Is tivuuk he kesug̵uan he imbilinbilin ni Moises, ne egkepurung egketuman pinaag̵i te sevaha zà he sug̵ù he iyan heini: “Kinahanglan he purungi nu is duma nu. Isipa nu sikandin he iring te kenikew en he g̵ehinawa.”

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Pilipus 4:14

Ne minsan pa te iyan heini, utew kew metulanged su midtevangan a keniyu kayi te menge seeng ku he mezakel.

1 Tiselunika 4:9

Ne wazè en kinahanglan he ibpenurù ku pa keniyu he mahala niw ziyà te g̵ehinawa niw is menge zuma niw he tumutuu su impenurù en heini keniyu te Megbevayà.

Santiago 1:25

Iyan, ke zuen etew he ebpurungan din ed-istudyuwi is kesug̵uan he wazè din kurang he iyan ebpekelibri kenitew, ne kenè din edlipatan, kekenà, edtumanen din, edtuvazan te Megbevayà is minsan hengkey he ed-ul-ulahan din.

Santiago 2:12

Duen selakew en he kesug̵uan he ebpekelibri kenita wey ki kenà mekesalà ne iyan heini kesug̵uan he idhukum kenita keuzemà te Megbevayà. Ne tenged kayi kinahanglan he ebpurungan ta is menge lalag ta wey ulaula ta su wey kenè ta mesupak haazà is kesug̵uan.

Santiago 2:19

Emun midtuu ki he sebsevaha zà is Megbevayà utew meupiya heeyan, iyan, kenè pa hustu su minsan is menge mezaat he mulin-ulin, midtuu zan daan te iring keniyan, iyan, egkerkeren dan te kegkehandek su netuenan dan he edsilutan sikandan keuzemà.

Santiago 4:11

Menge suled, kenè kew mebpesudsudiey wey mebpesewsewayà su is edsudì wey edsawey te zuma zin he tumutuu, ne iring te edsudien din wey edsewayen din is lavew he sug̵ù. Ne emun edsewayen ta haazà is sug̵ù, kenè ta edtumanen, kekenà, edsumpeliten ta.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.