Ruma 9:8 - Manobo Western Bukidnon

⁸ Ne ibpesavut kenita kayi he iring te in-anak si Isaak tenged te kedtuu ni Abraham te penaad te Megbevayà, ne egkehimu ki he tutuu he anak te Megbevayà, kenà pinaag̵i te kegkevuwad ni Abraham, kekenà, pinaag̵i te kedsarig ta te penaad te Megbevayà. Emun edsarig ki te penaad te Megbevayà egkehimu ki he tutuu he kevuwazan ni Abraham.

Ruma 9:8 Кръстосани препратки

Mateo 3:9

Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, egkehimu he ebeelan din heini is menge vatu he kevuwazan ni Abraham.

Juan 1:13

Is paag̵i te kegkehimu zan he anak te Megbevayà, kenà iyan kes paag̵i te kegkevuwad dini te kelibutan su wazè dan dutun ianak pinaag̵i te kegkevuwad te kelibutanen he amey, kekenà, iyan amey zan is Megbevayà.

Ruma 8:14

Su emun ed-eg̵aken is minsan hentei te Wag̵as he Mulin-ulin tutuu en he anak sikandin te Megbevayà.

Ruma 8:16

Iyan is Wag̵as he Mulin-ulin is ebpesavut kenitew he menge anak kiw iyan te Megbevayà.

Ruma 8:19

Ne utew meheg̵et is kebperetenga te langun he menge linimbag te timpu keuzemà he zutun ibpaahà te Megbevayà is menge anak din he edtulusen.

Hibriyuhanen 11:11

Ne si Sara zaan is esawa ni Abraham, duen kandin he kedtuu su minsan te wazà sikandin mekeanak wey utew en sikandin meg̵urang, mibmeg̵ingey g̵ihapun tenged te kedtuu zin te Megbevayà. Umba mibmeg̵ingey sikandin su midtuuwan din is penaad kandin te Megbevayà he egkeuma is timpu he ed-anak sikandin.