Ruma 9:6 - Manobo Western Bukidnon

⁶ Ne kenè ku iyan egkeg̵iyen he wazà tumana te Megbevayà is penaad din kandan, kekenà, iyan egkeg̵iyen ku he zuen duma te menge kevuwazan ni Israyil he kenà sikandan tutuu he menge sakup te Megbevayà.

Ruma 9:6 Кръстосани препратки

Mateo 24:35

Egkehanew is langit wey tanà, iyan, heini is migkag̵i ku, kenà mulà egkehanew te minsan keenu.

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Juan 10:35

Ne ke si Jesus te, “Kenà egkehimu he edhelinen is insurat he Lalag te Megbevayà. Umba, ke migngezanan din te menge megbevayà is menge kepuun tew zengan he mibeg̵ayan te lalag din,

Ruma 3:3

Ne minsan pa te zuen menge zuma zey te menge Hudiyu he wazà mebpemineg te Lalag te Megbevayà, kenà egkehimu he kenà edtumanen te Megbevayà is impenaad din dengan.

Ruma 9:4

Su menge kevuwazan daan sikandan ni Israyil; mid-anak-anak sikandan dengan te Megbevayà. Ne impeehè din kandan is mekeg̵eg̵ehem he anlag din, ne zuen menge midtukud din he paag̵i te kedtuvazi zin kandan, ne imbeg̵ey zin kandan is kesug̵uan, ne impenurù din kandan is paag̵i te ked-ezapa kandin. Ne mezakel pa is meupiya he penaad din kandan.

Gelasya 6:16

Is minsan hentei he ed-ikul kayi te ibayà he impenurù ku pinaag̵i kayi te surat, berakat he mehizuwi te Megbevayà wey veg̵ayi te melinawen he kebpekesavuk, ne kenà iyan dà sikandin, kekenà, elin daan is langun he menge tutuu he tumutuu te Megbevayà.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

2 Timoteo 2:13

Minsan ke kenè ki metinumanen te lalag din kenita, metinumanen mulà sikandin te lalag din su kenà egkehimu he kenè din edtumanen is lalag din.”