Ruma 9:4 - Manobo Western Bukidnon

⁴ Su menge kevuwazan daan sikandan ni Israyil; mid-anak-anak sikandan dengan te Megbevayà. Ne impeehè din kandan is mekeg̵eg̵ehem he anlag din, ne zuen menge midtukud din he paag̵i te kedtuvazi zin kandan, ne imbeg̵ey zin kandan is kesug̵uan, ne impenurù din kandan is paag̵i te ked-ezapa kandin. Ne mezakel pa is meupiya he penaad din kandan.

Ruma 9:4 Кръстосани препратки

Mateo 21:33

Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Nengeulaula 2:39

Su sikitew wey is menge kevuwazan tew, iyan mibpenaazan te Megbevayà te Wag̵as he Mulin-ulin ne kenà iyan kiw zà mibpenaazan kayi, kekenà, elin daan sikan is menge etew he ziyà ed-ubpà te meziyù, is minsan hentei he edhimuwen te Nengazen tew he Megbevayà he meketuu kandin.”

Ruma 3:2

Iyan, dekelà iyan is pulus su sikami is menge Hudiyu, insarig kenami is insurat he Lalag te Megbevayà.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

Ruma 9:6

Ne kenè ku iyan egkeg̵iyen he wazà tumana te Megbevayà is penaad din kandan, kekenà, iyan egkeg̵iyen ku he zuen duma te menge kevuwazan ni Israyil he kenà sikandan tutuu he menge sakup te Megbevayà.

2 Kurintu 11:22

Haazà he menge etew, egkeg̵iyen dan he menge pinilì sikandan te Megbevayà su menge Hudiyu zan, menge kevuwazan ni Israyil wey menge kevuwazan te kepuun ni Israyil he si Abraham. Ne siak daan, Hudiyu a he kevuwazan daan ni Israyil wey ni Abraham.

Gelasya 3:16

Ne iring din ded daan su zuen impenaad te Megbevayà diyà te ki Abraham wey ziyà te kevuwazan ni Abraham he egkeug̵et pa zutun id-anak. Wazè din iyan keg̵iya he zuen penaad din diyà te menge kevuwazan ni Abraham su kenà mezakel is egkeg̵iyen din, kekenà, ke sikandin diyà te ki Abraham te, “diyà te kevuwazan nu.” Umba migkag̵i zin heini su sebsevaha zà he etew zutun te kevuwazan ni Abraham is ibpesavut din he iyan si Kristu.

Ipisu 2:12

Netuenan niw he zengan wazè niw upakat ki Kristu ne wazè kew iragkes te menge etew he pinilì te Megbevayà. Wazè kew zaan mekeambit duen te menge meupiya he impenaad te Megbevayà kandan. Wazà egkepaabut niw he tavang te Megbevayà ne kenà duen dà taman su wazè niw metueni ke hentei is tutuu he Megbevayà dini te kelibutan.

Hibriyuhanen 9:1

Ne zutun te nehuna he paag̵i te kebpekidsevaha te Megbevayà te menusiyà, impenurù te Megbevayà is paag̵i te ked-ezapa zan kandin wey ke ebmenmenuwen is kebeeli te simbahan dini te kelibutan.

Hibriyuhanen 9:10

Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

Hibriyuhanen 9:3

Duen kurtina zutun te idselang te valey he terapal ne zuen daan kurtina he intaltal zutun te mid-elangan te zezuwa he rug̵u. Ne heini is ikezuwa he rug̵u ne iyan kes egngezanan te utew mahal he rug̵u.

Hibriyuhanen 9:5

Ne insihung haazà is kavan dutun te zezuwa he ledawan te menge mekeg̵eg̵ehem he kedesenan he iyan tuus he zutun is Megbevayà. Mibekar zan is pakpak dan ne intezung dan dutun te vulawan he vangkù he zutun ebpelisa te Megbevayà is menge salà te menge etew. Ne kayi zà taman heini su kenè en egkehimu he id-amin ku te edseysey is langun kayi.

Hibriyuhanen 9:6

Ne hein naandam dan en is langun kayi ne kada andew edseled is menge memumuhat dutun te nehuna he rug̵u he egngezanan te mahal he rug̵u su edtumanen dan is ebpeveelan kandan.