Ruma 9:3 - Manobo Western Bukidnon

³ Ne ke egkehimu, egkesuatan ku pezem he iyan a edsilutan he ilis kandan ne ewaa is kebpekidsevaha ku ki Kristu su wey iyan sikandan melibri te silut.

Ruma 9:3 Кръстосани препратки

Nengeulaula 13:26

Ne menge suled,” ke si Pablo, “sikiyu is menge zuma ku he kevuwazan ni Israyil wey kevuwazan ni Abraham, wey sikiyu zaan is kenà Hudiyu he ed-azap daan te Megbevayà, iyan kiw kes mibpeuwitan te Megbevayà te Meupiya he Tudtulanen wey kiw melibri te kedsiluti kenitew.

Nengeulaula 22:5

Is lavew he memumuhat wey is langun he ebmeg̵urangen tew, ebpeketistig̵us dan he tutuu heini is egkeg̵iyen ku keniyu su mibeg̵ayan e zan te menge surat he impeuwit dan kedì diyà te menge zuma zan he Hudiyu ziyà te inged he Demasku. Umba edhendiyà a su wey ku mezakep dutun is menge tumutuu ki Jesus su ed-uwiten ku sikandan dini te Hiruselim wey mesiluti sikandan.

Nengeulaula 28:21

Ne migkeg̵iyan dan si Pablo te, “Wazà surat he nezawat dey he ebpuun diyà te prubinsya he Hudiya he ebpesavut mehitenged kenikew. Ne wazà daan nekeuma he zuma zey he ebpuun diyà te Hudiya he zuen din tudtul mehitenged te mid-ulaula nu he mezaat.

Ruma 1:3

Tudtul heini te keag̵i te Nengazen tew he si Jesu Kristu he Anak te Megbevayà. Ne heini si Jesus, nehimu he etew su in-anak sikandin he kevuwazan te tipehuna he hadì he si David.

Ruma 11:1

Ne kenè tew ed-isipen he tenged te wazà medtuu is menge etew he kevuwazan ni Israyil, mid-engkezan en te Megbevayà is tivuuk he kehudiyuwan su siak, Hudiyu a zaan iring kandan; kepuun ku si Abraham su kevuwazan a he ebpuun duen te sevaha he kevuwazan din he si Benjamin.

Ruma 11:14

su egkesuatan ku he meima is menge zuma ku he Hudiyu pinaag̵i te kedtevangi ku keniyu. Su kela ke pinaag̵i zutun duen duma kandan he edtuu ne egkelibri te idsilut te Megbevayà.

Ruma 16:11

Ipengemusta a ki Hirudyun te zuma ku he Hudiyu wey ipengemusta a zaan te menge tumutuu he ziyà te valey ni Narciso.

Ruma 16:21

Is duma ku te edsangyew te Lalag te Megbevayà, si Timoteo, ebpengemusta keniyu ne henduen ded daan si Lucio, si Jason wey si Susipatru, is menge zuma ku he Hudiyu.

Ruma 16:7

Ipengemusta a zaan ki Andruniku wey si Hunias. Menge zuma ku sikandan he Hudiyu he mibpirisu zuma kedì. Telehuzen sikandan te menge epustul, ne nehuna sikandan neketuu ki Kristu, ne human a.

Ruma 9:2

Iyan is: utew a egkeseeng ne kenà egkeawà is kesakit te g̵ehinawa ku tenged te menge zuma ku he menge Hudiyu he kenà edtuu ki Kristu.

1 Kurintu 12:3

Ne tenged kayi ibpesavut ku zaan keniyu he ke zuen etew he ed-ulinan te Wag̵as he Mulin-ulin, kenà egkehimu he egkeg̵iyen din he zait he edrewaken si Jesus, ne iring din ded daan kenà egkehimu he egkeg̵iyen din he Nengazen din si Jesus emun kenà pinaag̵i te ked-ulini kandin te Wag̵as he Mulin-ulin.

1 Kurintu 16:22

Ke zuen minsan hentei he wazà diyà te g̵ehinawa zin si Jesus, ne verakat he siluti sikandin te Megbevayà. “Maran ata,” he ke và dà egkeg̵iya, meg̵aan ka, Jesus, medlikù.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

Gelasya 1:8

Iyan, egkeg̵iyen ku keniyu he ke zuen minsan hentei, minsan ke sikami, wey minsan ke velinsug̵uen he ebpuun te langit, ne zuen ibpesavut din keniyu he egkeg̵iyen din he Meupiya he Tudtulanen, iyan, selakew, ne kenà iyan heini is tutuu he tuluuwen he impesavut dey keniyu, ne verakat he meimpirnu sikandin.

Gelasya 1:9

Daan dey en keniyu heini migkag̵i, iyan, ed-umanan ku egkeg̵iya g̵untaan he ke zuen ibpesavut te minsan hentei he egkeg̵iyen din he Meupiya he Tudtulanen, iyan, kenà iyan is tutuu he tuluuwen he impesavut dey keniyu, ne verakat he meimpirnu sikandin.

Gelasya 3:10

Iyan, is minsan hentei mulà he edsarig te kedtumana te kesug̵uan he imbilinbilin ni Moises, nesug̵at en te rawak te Megbevayà su zuen insurat he Lalag te Megvevayà he edhenduen te, “Is minsan hentei he kenà din egkepurung egketuman is minsan hengkey he sug̵ù he insurat dutun te kesug̵uan, ne nesug̵at en sikandin te rawak te Megbevayà.”

Gelasya 3:13

Minsan pa te nesupak te en is kesug̵uan, nelibri ki ni Jesus te silut su midrewakan en si Jesus he elili kenitew zutun te kedrensanga kandin te krus, su zuen insurat he Lalag te Megbevayà he edhenduen te, “Ke zuen etew he edhimetayan ne idtaud te impasek he kayu ne tuus heini te rawak kandin te Megbevayà.”

Ipisu 6:5

Sikiyu is menge sulug̵uen, purungi niw tumana is menge sug̵ù keniyu te menge egalen niw zini te kelibutan. Tehuza niw sikandan ne kinahanglan he ebpuun te meupiya he g̵ehinawa niw is kedtumana niw te menge sug̵ù dan iring te iyan si Kristu edsug̵ù keniyu.