Ruma 9:29 - Manobo Western Bukidnon

²⁹ Ne iring heini te zaan he netagnà he migkag̵i ni Esaias he edhenduen te, “Angin ke wazè kiw is menge Hudiyu mehizuwi te mekeg̵eg̵ehem he Megbevayà su wazà minsan deisey zà he egkesamà kenitew su midlimas kiw zin en pezem iring te menge meg̵inged dutun te menge inged he Suduma wey Gumura.”

Ruma 9:29 Кръстосани препратки

Santiago 5:4

Is selapì he wazè niw isuhul te edterebahu ziyà te menge tanè niw, ne iyan idsumbunga zan keniyu ziyà te Megbevayà. Is sumbung keniyu te nemenlegtey ziyà te menge luti niw, nezineg en te utew mekeg̵eg̵ehem he Nengazen.

2 Pedro 2:6

Elin daan midsilutan dengan te Megbevayà is menge etew ziyà te menge inged he Suduma wey Gumura. Iyan dà meg̵inged dutun he midlibri zin ensi Lut su metazeng mulà si Lut. Nerasey si Lut he ed-isip-isip te meremerik he ulaula te menge mesinupaken he zuma zin. Andew-andew utew mezaat he ulaula is egkengezineg din wey egkengeehè din ne zutun utew mibmesakit is gehinawa zin. Ne tenged dutun te utew menge lalung mibinsulan te Megbevayà is inged dan su wey mesavut te minsan hentei ke hengkey is kedsiluti zin keuzemà dutun te menge etew he kenà ebpemineg te menge sug̵ù din.

Hudas 1:7

Isipa niw zaan is menge meg̵inged dutun te menge inged he Suduma wey Gumura wey is menge inged he uvey zutun. Neiringan dan haazà is menge velinsug̵uen su utew subra is mezaat he menge ulaula zan. Is menge maama zutun, ne kenà iyan dà is menge vahi midhilevetan dan, kekenà, neked-eerig̵è dan is pudu menge maama ne tenged dutun midsilutan sikandan te hapuy ne nehimu haazà he petizaan te Megbevayà te langun keuzemà he edsilutan din te hapuy he kenà egkeevukan.