Ruma 9:19 - Manobo Western Bukidnon

¹⁹ Ne siguradu zuen egkag̵i he emun iyan haazà ulaula te Megbevayà ne maan is egkepeukan din is menge etew tenged te menge salè dan te ebpekepezumazuma zè man sikandan te egkesuatan te Megbevayà.

Ruma 9:19 Кръстосани препратки

Marcos 14:21

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew te etew he ed-akal kedì. Meupiya pa ziyà te kandin ke wazè en sikandin ianak.”

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Ruma 11:19

Ne egkehimu he zuen egkag̵i te, “Sikami is kenà menge Hudiyu, iyan key lavew su iyan key in-ilis te Megbavayà te menge Hudiyu.”

1 Kurintu 15:12

Ne iyan impenurù dey keniyu is: nevanhew si Kristu. Ne tenged kayi, maan is egkeg̵iyen te zuma keniyu he kenà egkengevanhew keuzemà is menge minatey?

1 Kurintu 15:35

Ne ke penenglitan duen etew he ed-insà ke ebmenmenuwen te Megbevayà is kebenhawa zin te menge minatey wey ke hengkey is lawa zan dutun,

Santiago 1:13

Emun egkepenulayan is minsan hentei kenitew, kenè tew ed-isipen he iyan nekepenuley kenitew is Megbevayà, su kenà egkepenulayan is Megbevayà, ne kenè din daan ebpenulayen is minsan hentei.

Santiago 2:18

Ne ke zuen egkag̵i te, “Edtuu zà is sevaha te Megbevayà wey melibri sikandin te silut ne is duma, ne ed-ulaula te meupiya wey sikandin melibri, ne pudu hustu.” Iyan, iyan tavak ku zutun te zezuwa is: kinahanglan he edtuu ki, iyan, kenà egkehimu he tutuu is kedtuu ta te Megbevayà ke kenà egketuusan haazà is kedtuu ta pinaag̵i te menge ulaula ta he meupiya. Kinahanglan he ibpeehè ta is kedtuu ta pinaag̵i te menge ulaula ta.