Ruma 9:18 - Manobo Western Bukidnon

¹⁸ Ne egketuenan ta zutun he is Megbevayà, ne iyan ebayàbayà ke hentei is igkehizu zin sumalà is egkesuatan din te minsan hentei. Ne iyan daan sikandin ebayàbayà ke hentei is idtug̵ut din he kenà ebpezumazuma kandin sumalà is egkesuatan din te minsan hentei.

Ruma 9:18 Кръстосани препратки

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.

Ipisu 1:6

Edelig̵en tew is Megbevayà tenged te utew zekelà he mekeg̵eg̵ehem he g̵ag̵ew zin he intuvad din kenitew pinaag̵i te kebpekidsevaha tew te mahal he Anak din he si Jesus.