Ruma 9:1 - Manobo Western Bukidnon

¹ Duen egkeg̵iyen ku keniyu ne kenà tarù heini su sumusundan a ni Kristu. Ne netuenan ku zaan he kenà tarù heini su iyan ed-uwit te isip ku is Wag̵as he Mulin-ulin.

Ruma 9:1 Кръстосани препратки

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 2:15

Pinaag̵i te menge ulaula zan he meupiya egketuusan ta he ibpenurù kandan te g̵ehinawa zan is insug̵ù te kesug̵uan. Netuenan dan diyà te isip dan ke hengkey is meupiya wey ke hengkey is mezaat he ed-ul-ulahan su zuen ke egkeg̵iyen dan he meupiya is ulaula zan ne zuen ke keg̵iya zan he mezaat.

Ruma 8:16

Iyan is Wag̵as he Mulin-ulin is ebpesavut kenitew he menge anak kiw iyan te Megbevayà.

Ruma 9:2

Iyan is: utew a egkeseeng ne kenà egkeawà is kesakit te g̵ehinawa ku tenged te menge zuma ku he menge Hudiyu he kenà edtuu ki Kristu.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 1:23

Siluti a te Megbevayà emun kenà tutuu is egkeg̵iyen ku. Netuenan din he iyan ketezengan ke maan is wazà a mekepenumbaley ziyan te Kurintu su wey kenè kew meseeng pinaag̵i te kedsusiya ku te menge ulaula niw.

2 Kurintu 11:10

Ne heini is idantal ku, kenà egkehimu he egkehalin te minsan keenu he timpu su kenà a edawat te selapì te minsan hentei he ziyan te tivuuk he prubinsya he Gerisya. Tutuu heini iring te netuenan ku he tutuu is impesavut ni Kristu.

2 Kurintu 11:31

Is Megbevayà wey Amey te Nengazen tew he si Jesus, delig̵a sikandin te wazà pidtemanan. Netuenan din he kenà tarù heini is egkeg̵iyen ku.

2 Kurintu 12:19

Kunaan niw vuwa ke pinaag̵i kayi te egkeg̵iyen ku ibpesavut ku keniyu he wazè dey menge sayep, iyan, kenà iyan heeyan tuyù ku. Su ebpeketistig̵us is Megbevayà he heini is migkag̵i ku keniyu, ne iyan hustu he egkeg̵iyen tenged te kebpekidsevaha ku ki Kristu. Ne, minahal ku he menge suled, insurat ku heini is langun, su wey meheg̵et is kedtuu niw.

Gelasya 1:20

Tutuu heini is edtudtulen ku keniyu. Netuenan te Megbevayà he kenà tarù.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

1 Tiselunika 2:5

Netuenan niw he kes menge lalag dey, kenà kedigdig dà. Kenà ibpenapì kes mid-ulaula zey ziyan. Is Megbevayà, iyan ebpeketistig̵us kayi.

1 Timoteo 1:5

Ne kinahanglan he iyan ketezengan ke maan is idsug̵ù nu kandan heini su wey zan mahala is menge zuma zan diyà te g̵ehinawa zan. Ne kenà egkehimu he hustu is kebmahala ta te menge zuma ta emun wazè ki melumpiyuwi te Megbevayà duen te menge salè ta. Kinahanglan he iyan dà ed-ul-ulahan ta is netuenan ta he hustu ne kinahanglan daan he tutuu is kedtuu ta te tutuu he tuluuwen ne zutun human hustu is kebmahala ta te menge zuma ta.

1 Timoteo 2:7

Ne tenged kayi intezù e zin he epustul ne midsug̵ù e zin wey ku ipenurù heini. Kenà tarù heini is egkeg̵iyen ku, kekenà, tutuu. Midtezù e zin wey ku mepenurù is menge etew he kenà Hudiyu su wey zan meketuu te tutuu he tuluuwen.

1 Timoteo 5:21

Edteleenan ku sikew he purungi nu tumana heini is insug̵ù ku kenikew. Iyan ebpeketistig̵us kayi is Megbevayà, si Jesu Kristu, wey is menge pinilì din he velinsug̵uen. Kinahanglan he te minsan hengkey he ed-ul-ulahan nu wazè nu zepig̵i he minsan hentei. Ke edhusey ka kinahanglan he iyan nu pemineg̵a kes ebpekevenar.