Ruma 8:5 - Manobo Western Bukidnon

⁵ Su is minsan hentei he iyan ebayàbayà kandin is mezaat he suat din, iyan din dà egkeisip is egkesuatan te menge mezaat he kebayà te lawa zin. Ne is minsan hentei mulà he iyan ebayàbayà kandin is Wag̵as he Mulin-ulin, iyan dekelà diyà te g̵ehinawa zin is egkesuatan te Wag̵as he Mulin-ulin.

Ruma 8:5 Кръстосани препратки

Marcos 8:33

Ne zutun midsineruwan ni Jesus haazà is menge sumusundan din ne migkeg̵iyan din si Pedro te, “Sikew is ed-iring ki Setanas, awè ka zini te kediey, su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Juan 3:6

Is id-anak pinaag̵i te etew, ne etew zà daan, iyan, is id-anak pinaag̵i te g̵ehem te Wag̵as he Mulin-ulin, diyà ed-ubpà te kandin is Wag̵as he Mulin-ulin.

Ruma 8:9

Ne sikita mulà, kenè ki en ebeyveyaan te mezaat he suat te lawa ta su emun dini ed-ubpà te kenita is Wag̵as he Mulin-ulin ebeyveyaan ki te Wag̵as he Mulin-ulin. Ne ke zuen etew he wazà diyà te kandin is Wag̵as he Mulin-ulin he midsug̵ù ni Kristu, kenà sikandin sakup ni Kristu.

1 Kurintu 15:48

Ne sikitew is menge kevuwazan ni Adan, ne tanà daan is limbag̵an tew su tanà is limbag̵an te kandin he lawa. Iyan, sikitew zaan is menge sakup te etew he ebpuun te langit, ne ebpekeiring is lawa tew keuzemà te kandin he lawa.

1 Kurintu 2:14

Ne is etew he wazà diyà te kandin is Wag̵as he Mulin-ulin, kenè din edewaten is ibpenurù te Wag̵as he Mulin-ulin su wazà pulus kayi ziyà te kandin, ne kenè din daan egkesavut su iyan dà ebpekeseysey kayi ziyà te kandin is Wag̵as he Mulin-ulin.

2 Kurintu 10:3

Tutuu iyan he etew key zà duen, iyan, is paag̵i te kedsukuli zey te mezaat, ne kenà ebpuun te isip te etew zà duen.

Gelasya 5:17

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Ipisu 5:9

Su emun neteyawan te Megbevayà is isip niw, egkeulaula niw is langun he hustu wey metazeng he vaal he ibpenurù te tutuu he tuluuwen.

2 Pedro 2:10

Utew meveg̵at keuzemà is kedsiluti zin dutun te menge etew he ebpeniguduwan dan te edtuman is menge meremerik he kebayà te lawa zan wey edsumpeliten dan is minsan hentei he zuen din keg̵ehem. Ne heini is migkag̵i ku he menge etew he ebpenurù te tarù, utew zan memevurut wey memepelevawen. Kenè dan edtehuzen is menge kedesenan diyà te langit, kekenà, edsumpeliten dan.