Ruma 8:36 - Manobo Western Bukidnon

³⁶ Su zuen insurat dengan he Lalag te Megbevayà he edhenduen te, “Tenged te midtuuwan dey sikew, layun key hapit edhimetayi te menge etew. Iring key te ayam he kerehidu he in-andam te kedlepaa su ebpespesesag̵ad key zà ke keenu key edhimetayi.”

Ruma 8:36 Кръстосани препратки

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Nengeulaula 8:32

Iyan ebesahan dutun te upisyal is insurat ni Esaias dengan he edhenduen te, “Iring sikandin te vuutan he kerehidu he migkuwa zan su edhimetayan. Ne wazà migkag̵i zin su iring sikandin te nati he kerehidu he kenà ed-erang ke ed-elutan.

1 Kurintu 15:30

Ne sikami zaan, hengkey is pulus din dini te kenami ke kenè kiw egkengevanhew keuzemà? Su maan is ed-entusen dey pa is utew piligru.

1 Kurintu 15:31

Su andew-andew, menge suled, egkeisip ku he kela ke edhimetayan a te menge kuntada te Megbevayà. Utew tutuu heini, menge suled; tutuu zaan he utew ku sikiyu igkelipey tenged te kedtuu niw te Nengazen tew he si Jesu Kristu.

1 Kurintu 4:9

Umba egkekag̵i ku heini su sikami is menge epustul, midhimu te Megbevayà he iyan key menge etew he utew minus is pid-etawan din. Iring key te menge pirisu he edhimetayan he ebentayan te langun he menge linimbag, wey te tivuuk he menusiyà, wey te langun he menge velinsug̵uen te Megbevayà he ebpemuun te langit.

2 Kurintu 1:9

Henduen be te iyan en haazà ketepusan te untung dey, iyan, umba nehitavù heini zini te kenami su wey key kenà mekesarig te kenami zà he ketau, kekenà, wey key mekesarig te Megbevayà he iyan ebpemanhew te menge minatey.

2 Kurintu 11:23

Netuenan ku he henduen a te ebuneg̵en kayi te menge lalag ku, iyan, kenà egkesabpeng is bèbè ku kayi te egkeg̵iyen ku. Egkeg̵iyen dan he menge sulug̵uen sikandan ni Kristu. Siak, lavew e pa he metinumanen he sulug̵uen ni Kristu. Utew memereg̵en is ebpeveelan din kediey. Lelayun ad egkepirisu ne sikandan, kenà layun. Lelayun ad ebug̵ela te menge etew he kuntada te Megbevayà, kenà te sikandan. Mezakel en is nengeeg̵iyan ku he edhimetayan a pezem, kenà te sikandan.

2 Kurintu 6:9

Duen egkag̵i he utew minus is pid-etawan dey, iyan, nasì dekelà is bentug̵an dey. Layun key ed-ed-edisi te kemetayen, iyan, idtug̵ut pa te Megbevayà he kenè key pa mebpatey. Edsilutan key te Megbevayà wey key mepenurù, iyan, kenè key zin edhimetayan.

Pilipus 3:10

Iyan dà guntaan ibmeupiya te g̵ehinawa ku is kegketueni ku te menge ulaula ni Kristu wey is kebulusi kedì te g̵ehem he iyan sikan is gehem he ingkevanhew zin. Egkesuatan ku he mekeambit a zaan duen te kemeresayan he mid-antus din he iyan is ked-engkezi ku te kediey he egkesuatan iring te kandin he kebelevag̵a te untung din.