Ruma 8:21 - Manobo Western Bukidnon

²¹ he edhimuwen te Megbevayà he wazè en kegkeredak kayi te tivuuk he linimbag, ne egkeveg̵u is langun iring te egkeveg̵u zaan is menge anak te Megbevayà he edtulusen.

Ruma 8:21 Кръстосани препратки

Nengeulaula 3:21

Diyè pa si Jesus ebpekeubpà te langit taman te kenè pa edhimuwen te Megbevayà he veg̵u is minsan hengkey sumalà te netagnà dengan pinaag̵i te ebpemeneuven din.

Ruma 8:19

Ne utew meheg̵et is kebperetenga te langun he menge linimbag te timpu keuzemà he zutun ibpaahà te Megbevayà is menge anak din he edtulusen.

Ruma 8:30

Ne zutun, sikitew is langun he mibpilì din wey mehimu he menge anak din, impetuu kiw zin daan. Ne kenà duen dà taman, su mid-isip kiw zin daan he metazeng he iring te wazè kiw mekesalà. Ne impenaad din daan he zuen timpu keuzemà he edtulusen kiw zin.

1 Kurintu 15:42

Ne keuzemà ke egkengevanhew is menge minatey, egkengehalin daan is menge lawa zan. Su umba idleveng is lawa te etew su egkezeetan, iyan, ke egkevanhew keuzemà kenè en maan egkezeetan te wazà pidtemanan.

Hibriyuhanen 12:27

Ne iyan kehulug̵an kayi te menge lalag he edhenduen te, “ed-umanan din ibpekerker” is: id-awè din is minsan hengkey he egkewaleng su wey iyan dà metag̵ak is minsan hengkey he kenà egkewaleng.

2 Pedro 3:13

Iyan, sikitew mulà, ebperetengen ta is beg̵u en he tanà wey langit he impenaad kenitew te Megbevayà. Iyan dà ebpekeubpà dutun is memetazeng is ulaula zan.

Impezayag 21:1

Ne zutun neehè ku is beg̵u en he langit wey tanà su nahanew en is nehuna he langit wey nehuna he tanà ne wazè en maan dag̵at.